അമ്പലപ്പുഴ: 1.2 കിലോ കഞ്ചാവുമായികെഎസ്ആർടിസി സൂപ്പർഫാസ്റ്റ് ബസിൽ യാത്രചെയ്ത യുവാവ് പിടിയിൽ. പുറക്കാട് ഒറ്റപ്പന സ്വദേശിയാണ് അമ്പലപ്പുഴ പോലീസിന്റെ പിടിയിലായത്.
ഇയാൾ പ്ലാസ്റ്റിക്ക് കവറിലും പേപ്പറിൽ പൊതിഞ്ഞുമാണ് 1.200 കിലോഗ്രാം കഞ്ചാവ് കൈവശം വെച്ചിരുന്നത്. സ്റ്റേഷനിലെത്തിച്ച പ്രതിയെ പോലീസ് ചോദ്യം ചെയ്തുവരികയാണ്.
തിരുവനന്തപുരത്തുനിന്നും പാലക്കാട്ടേക്കുള്ള സൂപ്പർഫാസ്റ്റ് ബസിൽ കൊല്ലത്ത് നിന്നാണ് പ്രതി കയറിയത്. രഹസ്യവിവരം ലഭിച്ച പോലീസ് ശനിയാഴ്ച രാവിലെ പത്തരയോടെ തോട്ടപ്പള്ളി സ്റ്റോപ്പിൽ ബസ് നിർത്തിയപ്പോഴാണ് പരിശോധന നടത്തി പ്രതിയെ പിടികൂടിയത്.
Discussion about this post