പത്തനംതിട്ട: ഇതരസംസ്ഥാനക്കാരനെ പുഴയില്‍ ഒഴുക്കില്‍പ്പെട്ട് കാണാതായി. പത്തനംതിട്ട ജില്ലയിലാണ് സംഭവം. ബിഹാര്‍ ബിദിയ സ്വദേശിയായ നരേശ് (25) ആണ് മണിമലയാറ്റില്‍ അപകടത്തില്‍പ്പെട്ടത്.
വെണ്ണിക്കുളം കോമളം കടവില്‍ കുളിക്കാന്‍ ഇറങ്ങിയതായിരുന്നു നരേശ്. ഇന്ന് വൈകിട്ട് മൂന്ന് മണിയോടെയായിരുന്നു അപകടത്തില്‍പ്പെട്ടത്. ബിഹാര്‍ സ്വദേശികളായ 3 യുവാക്കളായിരുന്നു ഇവിടെ കുളിക്കാന്‍ ഇറങ്ങിയത്.
also read:മഞ്ഞപ്പിത്തം ബാധിച്ച് ഒരു മരണം കൂടി, വേങ്ങൂരില്‍ രോഗികളുടെ എണ്ണം 208, രണ്ടുപേരുടെ നില ഗുരുതരം
ഇവരില്‍ രണ്ട് പേര്‍ നീന്തി രക്ഷപ്പെട്ടു. തുടര്‍ന്ന് നാട്ടുകാരെ വിവരമറിയിക്കുകയായിരുന്നു. നാട്ടുകാരുടെയും പൊലീസും ഫയര്‍ ഫോഴ്സും അടങ്ങുന്ന സംഘം സ്ഥലത്ത് തിരച്ചില്‍ നടത്തിയിരുന്നു.
എന്നാല്‍ നരേശിനെ കണ്ടെത്താനായില്ല. വെണ്ണിക്കുളം ബിബിഎം കരാര്‍ കമ്പനിയുടെ തൊഴിലാളിയാണ് കാണാതായ നരേശ്.