കോഴിക്കോട്: കോഴിക്കോട് ജില്ലയിലെ പന്തീരങ്കാവില്‍ നവവധുവിനെ ക്രൂരമായി മര്‍ദിച്ച സംഭവത്തില്‍ ഭര്‍ത്താവ് രാഹുലിന്റെ അമ്മയ്ക്കും സഹോദരിക്കുമെതിരെ നടപടി. ഇവര്‍ക്കെതിരെ സ്ത്രീധന പീഡനക്കുറ്റം ചുമത്തും.
ക്രൂരമായ പീഡനമാണ് നടന്നതെന്നും യുവതിയുടെ മൊഴി ഞെട്ടിക്കുന്നതാണെന്നും പൊലീസ് പറയുന്നു. രാഹുലിന്റെ അമ്മ ഉഷാകുമാരി കോഴിക്കോട് മെഡിക്കല്‍ കോളജ് ആശുപത്രിയില്‍ ചികിത്സയിലാണ്.
Also Read:കോട്ടയം ജില്ലയിൽ മലയോരമേഖലകളിൽ കനത്തമഴ; സംസ്ഥാനത്ത് മണ്ണിടിച്ചിൽ, ഉരുൾപൊട്ടൽ മുന്നറിയിപ്പ്
ചോദ്യം ചെയ്യലിനു ഹാജരാകാന്‍ രാഹുലിന്റെ അമ്മയ്ക്കും സഹോദരിക്കും നോട്ടിസ് നല്‍കിയെങ്കിലും ഇരുവരും ഹാജരായിട്ടില്ല. പെണ്‍കുട്ടി കഴിഞ്ഞ ദിവസം നല്‍കിയ മൊഴിയുടെ അടിസ്ഥാനത്തിലാണ് അവരെ ചോദ്യം ചെയ്യുന്നത്.
രാഹുല്‍ തന്നെ വിവാഹം കഴിഞ്ഞു വീട്ടിലെത്തിയ അന്നു തന്നെ നിര്‍ബന്ധിച്ചു മദ്യം കുടിപ്പിച്ചുവെന്നും, ഉഷാകുമാരിയും സുഹൃത്ത് രാജേഷും കൂടെയുണ്ടായിരുന്നുവെന്നും മൊഴിയില്‍ പറയുന്നു.
Discussion about this post