ന്യൂഡൽഹി: ഇറാൻ പിടിച്ചെടുത്ത ഇസ്രയേൽ ചരക്കു കപ്പലിലെ മലയാളി ജീവനക്കാരി മോചിതയായി. തൃശ്ശൂർ സ്വദേശിനിയായ ആൻ ടെസ ജോസഫ്(21) ആണ് മോചിതയായത്. ഇവർ കൊച്ചി വിമാനത്താവളത്തിലെത്തി. ടെസയെ വിദേശകാര്യ മന്ത്രാലയ ഉദ്യോഗസ്ഥർ ചേർന്ന് ഇവരെ സ്വീകരിച്ചു.
Indian deck cadet Ms. Ann Tessa Joseph from Thrissur, Kerala, a member of the crew on vessel MSC Aries returned home today. @India_in_Iran, with the support of Iranian authorities, facilitated her return. Mission is in touch with Iranian side to ensure the well being of the… pic.twitter.com/iE932Y4F4y
— Randhir Jaiswal (@MEAIndia) April 18, 2024
ഏപ്രിൽ 13-നാണ് ഹോർമുസ് കടലിടുക്കിൽ വെച്ച് ഇറാന്റെ റവല്യൂഷണറി ഗാർഡ് ഇസ്രായേൽ ചരക്കു കപ്പൽ പിടിച്ചെടുത്തത്. 17 ഇന്ത്യാക്കാരുൾപ്പെടെ 25 പേരായിരുന്നു കപ്പലിലുണ്ടായിരുന്നത്. നാല് പേർ മലയാളികളാണ്.
ആൻ ടെസയ്ക്ക് ഒപ്പമുണ്ടായിരുന്ന മറ്റ് 16 ഇന്ത്യക്കാരെ കൂടി തിരിച്ചെത്തിക്കുന്നത് വരെ ദൗത്യം തുടരുമെന്നും കപ്പൽ ജീവനക്കാർ സുരക്ഷിതരായിരിക്കുന്നതായും വിദേശകാര്യ മന്ത്രാലയം പ്രസ്താവനയിൽ അറിയിച്ചു. കപ്പലിലെ ഏക വനിതാജീവനക്കാരിയായിരുന്നു ആൻ ടെസ ജോസഫ്.
Discussion about this post