ആലപ്പുഴ: ആലപ്പുഴയില്‍ താറാവുകള്‍ക്ക് പക്ഷിപ്പനി സ്ഥിരീകരിച്ചു. ചെറുതന പഞ്ചായത്തിലാണ് പക്ഷിപ്പനി സ്ഥിരീകരിച്ചത്. ഭോപ്പാലിലെയും തിരുവല്ലയിലെയും ലാബുകളില്‍ നടത്തിയ പരിശോധനയിലാണ് ത്ാറാവുകളില്‍ രോഗം സ്ഥിരീകരിച്ചത്.
താനക്കണ്ടത്തില്‍ ദേവരാജന്, ചിറയില്‍ രഘുനാഥന് എന്നിവരുടെ താറാവുകള്‍ക്കാണ് പക്ഷിപ്പനി സ്ഥിരീകരിച്ചത്. രഘുനാഥന് 2 മാസം പ്രായമുള്ള 2000 താറാവുകളും ദേവരാജന് 3 മാസം പ്രായമുള്ള 15,000 താറാവുകളുമാണുള്ളത്.
മൂന്നുസാമ്പിളുകളാണ് പരിശോധനയ്ക്കയച്ചത്. ഈ മൂന്ന് സാമ്പിളുകളും പോസിറ്റീവ് ഫലം നല്‍കി. രോഗബാധിത പ്രദേശങ്ങളിലെ താറാവുകളിലെ കൂട്ടത്തോടെ കൊന്നൊടുക്കാന്‍ നിര്‍ദേശം നല്‍കിയിട്ടുണ്ട്.
ആലപ്പുഴ ജില്ലയിലെ കുട്ടനാട്, ചെറുതല, എടത്വ എന്നിവിടങ്ങളില്‍ കൂട്ടത്തോടെ താറാവുകള്‍ ചത്തൊടുങ്ങിയിരുന്നു. അതേത്തുടര്‍ന്നാണ് സാമ്പിളകുള്‍ പരിശോധനയ്ക്ക് അയച്ചത്.
Discussion about this post