കോഴിക്കോട്: ട്രെയിനില് വന് കവര്ച്ച. യശ്വന്ത്പൂര്-കണ്ണൂര് എക്സ്പ്രസിലാണ് വന് കവര്ച്ച നടന്നത്. ഇന്ന് പുലര്ച്ചെ സേലത്തിനും ധര്മ്മപുരിക്കും ഇടയില് വെച്ചാണ് സംഭവം. ഇരുപതോളം യാത്രക്കാരുടെ ഐഫോണുകളും പണവും ക്രെഡിറ്റ് കാര്ഡുകളും നഷ്ടപ്പെട്ടു. എസി കോച്ചുകളിലാണ് പ്രധാനമായും കവര്ച്ച നടന്നത്.
ഹാന്ഡ് ബാഗുകളിലും പാന്റ്സിന്റെ കീശയില് സൂക്ഷിച്ചിരുന്ന ഫോണും ആഭരണവുമാണ് മോഷ്ടിക്കപ്പെട്ടത്. പണവും മറ്റ് വസ്തുക്കളും കവര്ന്ന മോഷ്ടാക്കള് ബാഗുകള് ട്രെയിനിലെ ശുചിമുറികളില് ഉപേക്ഷിക്കുകയായിരുന്നു. തുടര്ന്ന് യാത്രക്കാര് ബാഗുകള് കണ്ടെത്തിയതോടെയാണ് മോഷണം നടന്നതായി മനസിലാക്കിയത്.
സേലം കേന്ദ്രീകരിച്ചാണ് കവര്ച്ചാ സംഘമുള്ളതെന്നാണ് പ്രാഥമിക നിഗമനം. യാത്രക്കാര് നഷ്ടപ്പെട്ട ഐഫോണ് ട്രേസ് ചെയ്തപ്പോഴാണ് ഈ വിവരം ലഭിച്ചത്. ഇതേതുടര്ന്ന് റെയില്വേ പോലീസില് പരാതി നല്കാനായി യാത്രക്കാര് സേലം സ്റ്റേഷനില് ഇറങ്ങി.
Discussion about this post