തൃശൂര് : പ്രായപൂര്ത്തിയാവാത്ത പെണ്കുട്ടിയെ പീഡിപ്പിക്കാന് ശ്രമിച്ച ബന്ധുവായ യുവാവ് അറസ്റ്റില്. തൃശ്ശൂരിലാണ് സംഭവം. കണ്ണൂര് പടിയൂര് നരന്റെവിട വീട്ടില് ഫാജിസി (41)നെയാണ് കുന്നംകുളം പൊലീസ് അറസ്റ്റ് ചെയ്തത്.
കഴിഞ്ഞ മാര്ച്ച് 31നായിരുന്നു കേസിനാസ്പദമായ സംഭവം. അര്ധരാത്രിയില് കുന്നംകുളം സ്റ്റേഷന് പരിധിയില്പ്പെട്ട ഗ്രാമപ്രദേശത്തെ വീട്ടിലെത്തിയ യുവാവ് പെണ്കുട്ടിക്ക് നേരേ ലൈംഗികാതിക്രമം നടത്തുകയായിരുന്നു.
അടുത്ത ദിവസം കുട്ടി ബന്ധുവിനോട് ലൈഗികാതിക്രമ വിവരങ്ങള് പറഞ്ഞിരുന്നു. ഇതാടെയാണ് സംഭവം വീട്ടുകാര് അറിയുന്നത്. തുടര്ന്ന് വീട്ടുകാര് പൊലീസില് നല്കിയ പരാതിയുടെ അടിസ്ഥാനത്തിലാണ് കേസെടുത്തത്.
കണ്ണൂര് പൊലീസിന്റെ സഹായത്തോടെ കുന്നംകുളം പൊലീസ് നടത്തിയ അന്വേഷണത്തിലാണ് പ്രതിയെ പിടികൂടിയത്. കുന്നംകുളം സ്റ്റേഷന് ഹൗസ് ഓഫീസര് യു കെ ഷാജഹാന്റെ നേതൃത്വത്തിലുള്ള പൊലീസ് സംഘം പിടികൂടിയത്.
Discussion about this post