കൊച്ചി: എറണാകുളത്ത് യുവതിയെ തൂങ്ങി മരിച്ച നിലയില്‍ കണ്ടെത്തി. കോതമംഗലം വാരപ്പെട്ടി ഏറാമ്പ്രയിലാണ് സംഭവം. തിരുവില്വാമല കുത്താംപിള്ളി കൊടപ്പനാംകുന്നേല്‍ കെജെ റോമിയുടെ ഭാര്യ ആല്‍ഫി ആണ് മരിച്ചത്.
മുപ്പത്തിരണ്ട് വയസ്സായിരുന്നു. ഭര്‍ത്താവിന്റെ ബന്ധു വീട്ടിലാണ് യുവതി തൂങ്ങിമരിച്ചത്. ആല്‍ഫി ഭര്‍ത്താവിനൊപ്പമാണ് ബന്ധു വീട്ടില്‍ എത്തിയത്.
ആല്‍ഫിയെ ഞായറാഴ്ച വൈകീട്ടാണ് വീടിനുള്ളില്‍ തൂങ്ങി മരിച്ച നിലയില്‍ കണ്ടെത്തിയത്. ഉടന്‍ തന്നെ ആശുപത്രിയില്‍ എത്തുവെങ്കിലും അപ്പോഴേക്കും മരണം സംഭവിച്ചിരുന്നു.
ബന്ധുക്കളുടെ പരാതിയില്‍ പോസ്റ്റുമോര്‍ട്ടം നടത്തി. തൂങ്ങി മരണമാണെന്നു പോസ്റ്റുമോര്‍ട്ടം റിപ്പോര്‍ട്ടിലുണ്ടെന്നു പോത്താനിക്കാട് പൊലീസ് വ്യക്തമാക്കി. മരണകാരണം വ്യക്തമല്ല.
രാജാക്കാട് ജോസ്ഗിരി മുതുകുളത്ത് കുടുംബാംഗമാണ്. മക്കള്‍: ആന്‍ മരിയ, ആന്‍ റോസ്, അജോണ്‍, അഡോണ്‍.
Discussion about this post