മുംബൈ: മഹാരാഷ്ട്രയില്‍ വാഹനാപകടത്തില്‍ മലയാളി ദമ്പതികള്‍ക്ക് ദാരുണാന്ത്യം. തിരുവനന്തപുരം കടയ്ക്കാവൂര്‍ സ്വദേശികളായ ശോഭുകുമാര്‍ (57), ഭാര്യ ശിവജീവ (52) എന്നിവരാണ് മരിച്ചത്. നാസിക്കിലെ സാമൂഹിക പ്രവര്‍ത്തനരംഗത്ത് സജീവമായിരുന്നു ദമ്പതികള്‍.
കഴിഞ്ഞ ദിവസമാണ് സംഭവം. ദമ്പതികള്‍ നാട്ടിലെത്തി തിരികെ നാസിക്കിലേക്ക് പോകുന്നതിനിടെയാണ് അപകടം സംഭവിച്ചത്. ഇരുവരും സഞ്ചരിച്ചിരുന്ന ടാക്സിയില്‍ കണ്ടെയ്നര്‍ ലോറി ഇടിക്കുകയായിരുന്നു.
also read; ഉണങ്ങാന്‍ വച്ച തേങ്ങ എടുക്കാന്‍ പോയി, ടെറസില്‍ നിന്ന് വീണ് യുവതി മരിച്ചു
ശിവജീവ സംഭവ സ്ഥലത്ത് വച്ച് തന്നെ മരിച്ചു. ഗുരുതരമായി പരിക്കേറ്റ ശോഭുകുമാര്‍ നാസിക്കിലെ സ്വകാര്യ ആശുപത്രിയില്‍ ചികിത്സയിലിരിക്കെ ഇന്നാണ് മരിച്ചത്.
അപകടത്തില്‍ ഗുരുതരമായി പരിക്കേറ്റ ടാക്സി ഡ്രൈവര്‍ ചികിത്സയിലാണ്. അപകടനില തരണം ചെയ്തിട്ടില്ല. ടാക്സിയില്‍ മുംബൈ വിമാനത്താവളത്തില്‍ നിന്ന് നാസിക്കിലേക്ക് പോകുമ്പോഴാണ് വാഹനാപകടം ഉണ്ടായത്.
also read: കാറിന്റെ പിന്‍ചക്രം തലയിലൂടെ കയറിയിറങ്ങി, പോറലുപോലുമേല്‍ക്കാതെ ബൈക്ക് യാത്രക്കാരന്‍; വീഡിയോ
കഴിഞ്ഞ ദിവസം ഹോളി ആയിരുന്നതിനാല്‍ ഇവര്‍ക്ക് മുംബൈ വിമാനത്താവളത്തില്‍ നിന്ന് ബസ് ലഭിച്ചില്ല. തുടര്‍ന്ന് ടാക്സിയില്‍ പോകാന്‍ തീരുമാനിക്കുകയായിരുന്നു.
Discussion about this post