മലപ്പുറം: കാറിന്റെ പിന്‍ചക്രം കയറി ഇറങ്ങിയിട്ടും അത്ഭുതകരമായി രക്ഷപ്പെട്ട് ബൈക്ക് യാത്രക്കാരന്. മലപ്പുറം പോലീസ് ആണ് അത്ഭുതരക്ഷയുടെ വീഡിയോ പങ്കുവെച്ചത്. ഹെല്‍മറ്റ് കൃത്യമായി ധരിച്ചിരുന്നത് ആണ് ഇയാള്‍ രക്ഷപ്പെട്ടതിന്റെ പ്രധാന കാരണം എന്ന് പോലീസ് ചൂണ്ടിക്കാട്ടുന്നു.
ചിന്‍സ്ട്രാപ്പ് മുറുക്കി ഹെല്‍മറ്റ് ധരിച്ചിരുന്നതിനാല്‍ ഇരുചക്രവാഹന യാത്രക്കാരന് ജീവന്‍ തിരികെ കിട്ടി എന്നാണ് മലപ്പുറം പോലീസ് പങ്കുവെച്ച വിഡിയോയില്‍ പറയുന്നത്. ഹെല്‍മറ്റ് ധരിക്കാന്‍ ബുദ്ധിമുട്ടുള്ളവര്‍ ഇതൊന്ന് കാണണം എന്ന് പറഞ്ഞാണ് വീഡിയോ പങ്കുവെച്ചിരിക്കുന്നത്.
ഈ അപകടത്തില്‍ ഇരുചക്രവാഹനത്തില്‍ സഞ്ചരിച്ചയാള്‍ രക്ഷപ്പെട്ടതിന്റെ പ്രധാന കാരണം ഹെല്‍മെറ്റ് തന്നെയാണ്. കാറിന്റെ ചക്രം തലയിലൂടെ കയറിയിട്ടും ചിന്‍സ്ട്രാപ്പ് മുറുക്കി ഹെല്‍മെറ്റ് ധരിച്ചിരുന്നതിനാല്‍ അയാള്‍ക്ക് ജീവന്‍ തിരിച്ചുപിടിക്കാന്‍ കഴിഞ്ഞു. പ്രിയമുള്ളോരേ… ഇരുചക്രവാഹനത്തില്‍ സഞ്ചരിക്കുമ്പോള്‍ നിര്‍ബന്ധമായും ഹെല്‍മെറ്റ് ധരിക്കുക, എന്നാണ് പോലീസിന്റെ കുറിപ്പ്.
