മലപ്പുറം: മലപ്പുറം അരീക്കോട് നടന്ന ഫുട്‌ബോൾ മത്സരത്തിനിടെ വിദേശ താരത്തിന് ക്രൂരമായ മർദ്ദനമേറ്റതായി പരാതി. കളി കാണാനെത്തിയവർ തന്നെ ഓടിച്ചിട്ട് അടിച്ചെന്നാണ് താരത്തിന്റെ പരാതി. അരീക്കോട് ഫൈവ്‌സ് മത്സരത്തിനിടെയാണ് ഐവറി കോസ്റ്റ് താരം ഹസൻ ജൂനിയറിനെതിരെ ആക്രമണമുണ്ടായത്.
പരുക്കേറ്റ താരം മലപ്പുറം എസ്പിക്ക് പരാതി നൽകിയിട്ടുണ്ട്. സംഭവത്തിന്റെ ദൃശ്യങ്ങളടക്കമാണു വിദേശ താരം പോലീസിനെ സമീപിച്ചത്.
തന്നെ കാണികൾ വംശീയമായി അധിക്ഷേപിച്ചെന്നും കല്ലെറിഞ്ഞെന്നും ഹസൻ ജൂനിയറിന്റെ പരാതിയിലുണ്ട്. ഈ മാസം 10ന് അരീക്കോട് ചെമ്രക്കാട്ടൂരിൽ നടന്ന ഫൈവ്‌സ് ഫുട്‌ബോൾ മത്സരത്തിനിടെയായിരുന്നു സംഭവം.
ALSO READ- എറണാകുളം ജില്ലയില്‍ അപൂര്‍വരോഗമായ ‘ലൈം രോഗം’ സ്ഥിരീകരിച്ചു, ഇവയൊക്കെയാണ് ലക്ഷണങ്ങള്‍
ഹസൻ ജൂനിയർ കാണികളെ അധിക്ഷേപിച്ചു എന്നു പറഞ്ഞായിരുന്നു താരത്തെ ചിലർ തടഞ്ഞുവച്ചത്. തുടർന്ന് ഗ്രൗണ്ടിൽ നിന്നും ഓടിരക്ഷപെടാൻ ശ്രമിച്ച താരത്തെ മൈതാനത്തിന്റെ പല ഭാഗത്തുവച്ചും ആളുകൾ കൂട്ടമായി മർദ്ദിക്കുകയായിരുന്നു. സംഭവത്തിൽ പരാതി ജില്ലാ പോലീസ് മേധാവി അരീക്കോട് എസ്എച്ച്ഒയ്ക്ക് കൈമാറി.
Discussion about this post