ആലപ്പുഴ: തണ്ണിമത്തനുമായി പോയ ലോറി മറിഞ്ഞുണ്ടായ അപകടത്തില്‍ ഡ്രൈവര്‍ക്ക് ദാരുണാന്ത്യം. ആലപ്പുഴ ജില്ലയിലെ ചന്തിരൂരിലാണ് അപകടം. പട്ടാമ്പി സ്വദേശി ഇസ്മയില്‍ ആണ് മരിച്ചത്. ഇന്ന് പുലര്‍ച്ചെ രണ്ടു മണിയോടെയായിരുന്നു അപകടം.
ചന്തിരൂര്‍ ഗവ. ഹൈസ്‌കൂളിന് മുന്നില്‍ വെച്ചായിരുന്നു അപകടം ഉണ്ടായത്. തണ്ണിമത്തനുമായി പാലക്കാട് നിന്ന് കൊല്ലത്തേക്ക് പോകുകയായിരുന്ന ലോറിയാണ് അപകടത്തില്‍പ്പെട്ടത്. ലോറി ചന്തിരൂരില്‍ വെച്ച് അപകടത്തില്‍ പെടുകയായിരുന്നു.
തലകീഴായി മറിഞ്ഞ ലോറിയിലുണ്ടായിരുന്ന ഡ്രൈവര്‍ക്ക് അപകടത്തില്‍ ഗുരുതരമായി പരിക്ക് പറ്റിയിരുന്നു. അപകടവിവരമറിഞ്ഞ് ഓടിയെത്തിയ നാട്ടുകാരെത്തിയാണ് ഡ്രൈവറെ ലോറിക്കടിയില്‍ നിന്നും പുറത്തെടുത്തത്.
എന്നാല്‍ സംഭവ സ്ഥലത്ത് വെച്ചുതന്നെ മരിച്ചു. മൃതദേഹം ആശുപത്രിയിലേക്ക് മാറ്റി. പോസ്റ്റ്‌മോര്‍ട്ടത്തിന് ശേഷം വീട്ടുകാര്‍ക്ക് വിട്ടുനല്‍കും. അതേസമയം, അപകട കാരണമെന്താണെന്ന് വ്യക്തമല്ല.