പാലക്കാട്: കൊപ്പം പോലീസ് സ്റ്റേഷനിലെ എസ്‌ഐ ഒഴുക്കിൽപ്പെട്ട് മരിച്ചു. ഞായറാഴ്ച ഉച്ചക്ക് രണ്ട് മണിയോടെയാണ് സംഭവം. എസ്‌ഐ സുബീഷ് മോനാണ് പുലാമന്തോൾ പാലത്തിനു താഴെ ഒഴുക്കിൽപ്പെട്ട് മരിച്ചത്.
കുടുംബവുമായി പുഴയിലേക്ക് കുളിക്കാൻ എത്തിയതായിരുന്നു സുബീഷ് മോൻ.
ഫയർഫോഴ്സും നാട്ടുകാരും ചേർന്ന് നടത്തിയ തിരച്ചിലിനൊടുവിൽ സുബീഷ് മോനെ കണ്ടെത്തി പെരിന്തൽമണ്ണയിലെ സ്വകാര്യ ആശുപത്രിയിൽ പ്രവേശിപ്പിച്ചെങ്കിലും ജീവൻ രക്ഷിക്കാനായില്ല.