തിരുവനന്തപുരം: അണക്കെട്ടിന്റെ കൈവരിയിൽനിന്ന് സെൽഫിയെടുക്കാൻ ശ്രമിക്കവെ വെള്ളത്തിലേക്ക് വീണ യുവാവിന് പുനർജന്മം. അണക്കെട്ടിന്റെ റിസർവോയറിലേക്ക് വീണ യുവാവിനെ സ്‌പെഷ്യൽ ടാസ്‌ക് ഫോഴ്‌സ് (എസ്.ടി.എഫ്) എത്തിയാണ് രക്ഷിച്ചത്.
നെടുമങ്ങാട് വിതുര പേപ്പാറ അണക്കെട്ടിലാണ് സംഭവം. സുജിത്ത് (36) യുവാവിനെയാണ് രക്ഷാപ്രവർത്തകർ സാഹസികമായി വെള്ളത്തിൽ നിന്നും കരകയറ്റിയത്. എസ്ടിഎഫ് എത്തുന്നതുവരെ ജീവനക്കാർ ഇട്ടുകൊടുത്ത ലൈഫ് ജാക്കറ്റാണ് ജീവൻ സംരക്ഷിച്ചത്.
സേന എത്തി റോപ്പിന്റെയും നെറ്റിന്റെയും സഹായത്താൽ സുജിത്തിനെ കരയിലെത്തിക്കുകയായിരുന്നു. രക്ഷാപ്രവർത്തനത്തിനായി അണക്കെട്ടിലേക്ക് ഇറങ്ങുമ്പോൾ എസ്ടിഎഫ് അംഗം ദിനുമോന് പൈപ്പിൽ ഉരഞ്ഞ് മുറിവ് പറ്റി.