കോഴിക്കോട്: ജനവാസ കേന്ദ്രത്തിലിറങ്ങിയ കാട്ടാനക്കൂട്ടത്തെ ഓടിക്കാന് ശ്രമിക്കവെ ഗുണ്ട് കൈയില്വച്ച് പൊട്ടി വനംവകുപ്പ് വാച്ചര്ക്ക് ഗുരുതര പരിക്ക്. കോഴിക്കോടാണ് സംഭവം.
വനം വകുപ്പ് താല്ക്കാലിക വാച്ചര് പൂവത്തുംചോല തായാട്ടുമ്മല് വി.കെ. സുനിലിന്(44) ആണ് പരിക്കേറ്റത്. ഗുണ്ടുപൊട്ടിയുണ്ടായ അപകടത്തില് സുനിലിന്റെ കൈപ്പത്തിക്കും, ചെവിക്കും പരിക്കേറ്റു.
also read:മദ്യലഹരിയില് തര്ക്കം, മകനെ പട്ടിക കൊണ്ട് അടിച്ച് കൊന്ന് പിതാവ്, അറസ്റ്റില്
കഴിഞ്ഞ ദിവസം രാത്രി 9.45നാണ് സംഭവം. മൊടക്കല്ലൂര് എംഎംസി ആശുപത്രിയില് ഇന്ന് കൈയ്ക്ക് ശസ്ത്രക്രിയ നടത്തും. കക്കയത്തെ ദശരഥന്കടവിലെ കൃഷിയിടത്തിലാണ് കാട്ടാനക്കൂട്ടം ഇറങ്ങിയത്.
ഇതിനെ ഓടിക്കുന്നതിനിടെയാണ് അപകടം സംഭവിച്ചത്. നാട്ടുകാരുടെ സ്ക്വാഡും കക്കയം ഫോറസ്റ്റ് സ്റ്റേഷന് അധികൃതരും സ്ഥലത്ത് ഉണ്ടായിരുന്നു. അതിനാല് പരിക്കേറ്റ സുനിലിനെ ഉടന് ആശുപത്രിയിലെത്തിക്കാന് കഴിഞ്ഞു.
Discussion about this post