മലപ്പുറം: അധ്യാപികയെ വീട്ടിനുള്ളില്‍ മരിച്ച നിലയില്‍ കണ്ടെത്തി. മലപ്പുറത്താണ് സംഭവം. കൊളത്തൂര്‍ നീറ്റാണിമ്മലിലെ വീട്ടില്‍ ആബിദയെയയാണ് മരിച്ച നിലയില്‍ കണ്ടെത്തിയത്.
ആബിദയെ രാവിലെ 9 മണിയോടെയാണ് വീട്ടിനുള്ളില്‍ തൂങ്ങി മരിച്ച നിലയില്‍ കണ്ടെത്തിയത്.കൊണ്ടോട്ടിയില്‍ കൊണ്ടോട്ടി ഗവ. എല്‍പി സ്‌കൂള്‍ അധ്യാപികയാണ് ആബിദ.
35 വയസായിരുന്നു. സംഭവസമയത്ത് വീട്ടില്‍ ആരുമുണ്ടായിരുന്നില്ല. അധ്യാപകനായ ഭര്‍ത്താവ് ഷാജുദ്ദീന്‍ പുറത്തേക്കു പോയതായിരുന്നു.
മക്കള്‍ മദ്രസയിലേക്ക് പോയതിനു ശേഷമായിരുന്നു സംഭവം. മക്കള്‍ മദ്രസ വിട്ട് വീട്ടിലെത്തിയപ്പോഴാണ് മരിച്ച നിലയില്‍ ഉമ്മയെ കാണുന്നത്. കുട്ടികളുടെ കരച്ചില്‍ കേട്ട് അയല്‍ക്കാര്‍ ഓടിയെത്തുകയായിരുന്നു.
യുവതിയെ ഉടന്‍ തന്നെ ആശുപത്രിയില്‍ എത്തിച്ചുവെങ്കിലും ജീവന്‍ രക്ഷിക്കാനായില്ല. കൊണ്ടോട്ടി പൊലീസ് അസ്വാഭാവിക മരണത്തിന് കേസെടുത്തു.
Discussion about this post