തൃശൂര്‍: ഉത്സവത്തിന് ആനയെ നിര്‍ത്തുന്നത് സംബന്ധിച്ച് ആനപ്രേമികള്‍ തമ്മില്‍ പൊരിഞ്ഞ അടി. തൃശ്ശൂരിലാണ് സംഭവം. കാവിലക്കാട് ക്ഷേത്രത്തിലെ എഴുന്നള്ളിപ്പിനിടെയാണ് സംഭവമുണ്ടായത്.
ചിറയ്ക്കല്‍ കാളിദാസന്‍, തൃക്കടവൂര്‍ ശിവരാജ് എന്നി ആനകളെ ചൊല്ലിയാണ് തര്‍ക്കമുണ്ടായത്. ആനകളെ എവിടെ നിര്‍ത്തണം എന്നതിനെ സംബന്ധിച്ചാണ് കൂട്ടത്തല്ല് ഉണ്ടായത്.
അടിപിടി മണിക്കൂറുകളോളം നീണ്ടു. പൊലീസ് എത്തി ലാത്തി വീശിയ ശേഷമാണ് സംഘര്‍ഷം അവസാനിച്ചത്. ബാരിക്കേഡുകള്‍ കടന്ന് ആനയുടെ ചുവട്ടിലെത്തിയാണ് വാക്കേറ്റം ഉണ്ടായത്.
പിന്നാലെ പൊലീസ് ഇടപെട്ട് ലാത്തി വീശിയാണ് ഏറ്റുമുട്ടല്‍ അവസാനിപ്പിച്ചത്.
