കോട്ടയം: അയല്‍വാസിയെ കൊലപ്പെടുത്താന്‍ ശ്രമിച്ച യുവാവ് അറസ്റ്റില്‍. കോട്ടയം ജില്ലയിലെ കറുകച്ചാലിലാണ് സംഭവം. കറുകച്ചാല്‍ പരപ്പുകാട് സ്വദേശി വിഷ്ണു കെ കൃഷ്ണന്‍കുട്ടി എന്നയാളാണ് അറസ്റ്റിലായത്.
മുന്‍ വൈരാഗ്യത്തിന്റെ പേരിലായിരുന്നു കൊലപാതക ശ്രമം. കഴിഞ്ഞ ദിവസമായിരുന്നു തന്റെ അയല്‍വാസിയായ യുവാവിനെ വിഷ്ണു ആക്രമിച്ചു കൊലപ്പെടുത്താന്‍ ശ്രമിച്ചത്.
also read:മോഷണക്കേസിലെ പ്രതി കോടതിയില്‍ കുഴഞ്ഞ് വീണ് മരിച്ചു
രാത്രി 8 മണിയോടുകൂടി യുവാവ് വീടിന് പുറത്ത് റോഡിലൂടെ നടന്നുപോയ സമയം വിഷ്ണു പിന്നിലൂടെയെത്തി യുവാവിനെ കരിങ്കല്ല് കൊണ്ട് പലതവണ തലയ്ക്ക് അടിച്ച് കൊലപ്പെടുത്താന്‍ ശ്രമിക്കുകയായിരുന്നു.
വിഷ്ണുവിന് അയല്‍വാസിയായ യുവാവിനോട് മുന്‍ വൈരാഗ്യം നിലനിന്നിരുന്നു. ഇതിന്റെ തുടര്‍ച്ചയെന്നോണമാണ് ഇയാള്‍ യുവാവിനെ ആക്രമിച്ചു കൊലപ്പെടുത്താന്‍ ശ്രമിച്ചതെന്ന് പൊലീസ് പറഞ്ഞു.
Discussion about this post