കോഴിക്കോട്: കാറിനുള്ളില്‍ കത്തിക്കരിഞ്ഞ നിലയില്‍ മൃതദേഹം കണ്ടെത്തി.കോഴിക്കോട് ജില്ലയിലാണ് സംഭവം. കൂടരഞ്ഞി പുന്നക്കല്‍ ചപ്പാത്ത് കടവില്‍ തീപിടിച്ച കാറിനുള്ളിലാണ് മൃതദേഹം കണ്ടെത്തിയത്.
ഇന്നലെ രാത്രി 12മണിയോടെയാണ് സംഭവം. ഡ്രൈവിങ് സീറ്റിലിരുന്ന ആളുടെ മൃതദേഹമാണ് കത്തിക്കരിഞ്ഞ നിലയില്‍ കണ്ടെത്തിയത്. അതേസമയം, മരിച്ചയാളെ തിരിച്ചറിഞ്ഞിട്ടില്ല.
also read:ദൂരദര്‍ശന്‍ ലൈവ് പരിപാടിക്കിടെ കുഴഞ്ഞുവീണു, കാര്‍ഷിക സര്‍വകലാശാല ഡയറക്ടര്‍ക്ക് ദാരുണാന്ത്യം
പുന്നക്കല്‍ സ്വദേശി അഗസ്ത്യന്‍ ജോസഫിന്റെ ഉടമസ്ഥതയിലുള്ള മാരുതി ആള്‍ട്ടോ കാറാണ് കത്തി നശിച്ചത്. രാത്രിയില്‍ ഇതുവഴി പോയ ബൈക്ക് യാത്രക്കാരനാണ് കാര്‍ കത്തുന്നത് കണ്ടത്.
പിന്നാലെ ഇയാള്‍ പൊലീസിനേയും നാട്ടുകാരേയും വിവരമറിയിക്കുകയായിരുന്നു. തുടര്‍ന്ന് സ്ഥലത്തെത്തിയ തിരുവമ്പാടി പൊലീസാണ് തീയണച്ചത്. പിന്നാലെ നടത്തിയ പരിശോധനയിലാണ് കാറിനകത്ത് ഒരാളുടെ മൃതദേഹം കണ്ടെത്തിയത്.
തിരുവമ്പാടി പൊലീസ് കേസെടുത്തു. അഗസ്ത്യന്‍ ജോസഫ് ഇന്നലെ വീട്ടില്‍ നിന്നു പോയതാണെന്നും തിരിച്ചെത്തിയിട്ടില്ലെന്നുമാണ് വിവരം. മൃതദേഹം ഇയാളുടേതാണോ എന്നറിയാന്‍ ഇന്ന് പരിശോധന നടക്കും.
Discussion about this post