കൊല്ലം: സംസ്ഥാന സ്‌കൂള്‍ കലോത്സവം രണ്ടാം ദിവസത്തിലേക്ക് കടന്നിരിക്കുകയാണ്. നിലവിലെ ചാമ്പ്യന്‍മാരായ കോഴിക്കോടാണ് ഇപ്പോള്‍ മത്സരത്തില്‍ മുന്നിട്ടു നില്‍ക്കുന്നത്.
കലോത്സവത്തില്‍ 212 പോയിന്റുമായാണ് ജില്ലയുടെ കുതിപ്പ്. തൊട്ടുപിന്നാലെ 210 പോയിന്റുകള്‍ വീതം കരസ്ഥമാക്കി നിലയുറപ്പിച്ചിരിക്കുകയാണ് തൃശൂരും കണ്ണൂരും.
203 പോയിന്റുമായി മലപ്പുറം മൂന്നാമതും പാലക്കാട് 202 പോയിന്റുമായി നാലാം സ്ഥാനത്തുമുണ്ട്. ആതിഥേയരായ കൊല്ലം ആറാം സ്ഥാനത്തുമാണ് ഉള്ളത്.
കഴിഞ്ഞ വര്‍ഷത്തെ സ്‌കൂള്‍ കലോത്സവത്തില്‍ 945 പോയിന്റ് നേടിയാണ് സ്വര്‍ണ്ണകപ്പ് കോഴിക്കോട് കൊണ്ടു പോയത്. രണ്ടാംസ്ഥാനത്ത് കണ്ണൂരും പാലക്കാടുമായിരുന്നു.
കഴിഞ്ഞ വര്‍ഷം 20-ാം തവണയാണ് കോഴിക്കോട് കപ്പില്‍ മുത്തമിടുന്നത്. ഇത്തവണയും കപ്പ് നേടാനാവുമെന്ന പ്രതീക്ഷയിലാണ് കോഴിക്കോട്ടെ മത്സരാര്‍ത്ഥികള്‍. രണ്ടാം ദിനമായ ഇന്ന് 60 ഇനങ്ങളിലാണ് മത്സരം.
Discussion about this post