തിരുവനന്തപുരം: ഔദ്യോഗിക തിരക്കുകള്‍ക്കിടയിലും മകന്‍ മല്‍ഹാറുമൊത്ത് സമയം കണ്ടെത്താന്‍ ശ്രമിക്കാറുണ്ട് കലക്ടര്‍ ദിവ്യ എസ് അയ്യര്‍. സോഷ്യല്‍ മീഡിയയിലൂടെ മകന്റെ കുസൃതികള്‍ കലക്ടറമ്മ പങ്കുവയ്ക്കാറുണ്ട്.
ഫോട്ടോഗ്രാഫറായ കുഞ്ഞു മല്‍ഹാറിന്റെ ക്യാമറയ്ക്ക് പോസ് ചെയ്യുന്ന വീഡിയോയാണ് വൈറലാകുന്നത്. മകന്റെ ക്യാമറയ്ക്ക് മുന്നില്‍ അമ്മ ഫോട്ടോയ്ക്ക് പോസ് ചെയ്യുന്നതും അതിനു പിന്നാലെ മല്‍ഹാര്‍ പകര്‍ത്തിയ ഫോട്ടോയും എന്ന രീതിയിലാണ് വീഡിയോ. ‘ചിന്‍ പൊടിക്ക് അപ്പ്’ എന്ന അടിക്കുറിപ്പോടെയാണ് ദിവ്യ വീഡിയോ പങ്കുവെച്ചിരിക്കുന്നത്.
‘മഹേഷിന്റെ പ്രതികാരം’ സിനിമയിലെ ‘തെളിവെയില്‍ അഴകും’ എന്ന ഗാനമാണ് അകമ്പടിയായി ചേര്‍ത്തിരിക്കുന്നത്. ലിറ്റില്‍ ജോയ്‌സ് ഓഫ് ലൈഫ്, ഫോട്ടോഷൂട്ട് എന്നീ ഹാഷ് ടാഗുകളിലാണ് വീഡിയോ പങ്കുവെച്ചിരിക്കുന്നത്.
അമ്മയുടെയും മകന്റെയും ഫോട്ടോഷൂട്ടിനെ സോഷ്യല്‍ മീഡിയ ഏറ്റെടുത്തിരിക്കുകയാണ്. രസകരമായ കമന്റുകളാണ് പോസ്റ്റിന് താഴെ നിറയുന്നത്. ‘ഐഎഎസ് ഓഫീസര്‍ ദിവ്യ എസ് അയ്യറിനൊപ്പം ക്യാമറമാന്‍ കുഞ്ഞു മല്‍ഹാര്‍’ എന്നാണ് ചിത്രത്തിന് ലഭിച്ച അതിമനോഹരമായ ഒരു കമന്റ്.
View this post on Instagram
Discussion about this post