തിരുവനന്തപുരം: തിരുവനന്തപുരം തുമ്പയില്‍ ബൈക്കുകള്‍ കൂട്ടിയിടിച്ചുണ്ടായ അപകടത്തില്‍ ഒരാള്‍ കൂടി മരിച്ചു. കഴക്കൂട്ടം വടക്കുംഭാഗം സ്വദേശി അറഫാന്‍ ആണ് മരിച്ചത്.
ഇരുപത്തിരണ്ട് വയസ്സായിരുന്നു. ശനിയാഴ്ച രാത്രി ഒന്നരയോടെയാണ് അപകടം സംഭവിച്ചത്. തുമ്പ സെന്റ് സേവിയേഴ്‌സ് കോളേജിന് മുന്‍പിലായിരുന്നു അപകടം.
എതിര്‍ ദിശയില്‍ നിന്ന് വന്ന ബൈക്കിന്റെ പിന്‍സീറ്റിലിരുന്ന ആലപ്പുഴ സ്വദേശി ഉണ്ണിക്കുട്ടന്‍ (35) ചികിത്സയില്‍ കഴിയവെ മരിച്ചിരുന്നു. അറഫാന്‍ ഓടിച്ചിരുന്ന ബൈക്ക് എതിര്‍ദിശയിലെ ബൈക്കിലേക്ക് ഇടിച്ചു കയറുകയായിരുന്നു.
ഇന്ന് പുലര്‍ച്ചെയാണ് മെഡിക്കല്‍ കോളേജില്‍ ചികിത്സയിലിരിക്കെ അറഫാന്‍ മരിച്ചത്. രണ്ട് പേര്‍ സാരമായ പരിക്കുകളോടെ ചികിത്സയിലാണ്.