മംഗളൂരു: ഭാര്യയെയും മകളെയും ക്രൂരമായി ആക്രമിച്ച മധ്യവയസ്‌കന്‍ അറസ്റ്റില്‍. അമ്പത്തിയഞ്ചുകാരനായ ബെല്‍ത്തങ്ങാടി കോട്ടെ ബാഗിലുവില്‍ താമസിക്കുന്ന സുരേഷ് ഗൗഡ എന്നയാളാണ് അറസ്റ്റിലായത്.
മദ്യലഹരിയിലായിരുന്നു മര്‍ദനം. ഡിസംബര്‍ 18ന് രാത്രിയാണ് കേസിനാസ്പദമായ സംഭവം. അമിതമായി മദ്യപിച്ചെത്തിയ സുരേഷ് രൂക്ഷമായ വാക്ക് തര്‍ക്കത്തിന് പിന്നാലെ ഭാര്യ മോഹിനിയെയും 19കാരി മകള്‍ പൂജയെയും ക്രൂരമായി മര്‍ദ്ദിക്കുകയായിരുന്നു.
also read:നിയന്ത്രണം വിട്ട കാര്‍ ബൈക്കില്‍ ഇടിച്ച് അപകടം, യുവാവിന് ദാരുണാന്ത്യം
ഇരുവര്‍ക്കും ആക്രമണത്തില്‍ ഗുരുതരമായി പരിക്കേറ്റിരുന്നു. ഹെല്‍മറ്റും വടി കൊണ്ടുമേറ്റ അക്രമത്തില്‍ മോഹിനിയുടെ മുഖത്തിനും കണ്ണിനും പരുക്കേറ്റു. ഇവരുടെ ഇടതു കണ്ണിന് ഗുരുതര പരുക്കേറ്റിട്ടുണ്ട്.
പൂജയുടെ തലയ്ക്കും കണ്ണിനുമാണ് പരുക്കേറ്റതെന്ന് പൊലീസ് പറഞ്ഞു. പൂജ ആക്രമണ വിവരം അയല്‍വാസിയെ അറിയിച്ചതോടെ മറ്റു പ്രദേശവാസികളും സ്ഥലത്തെത്തി. പോലീസ് എത്തിയാണ് ഇരുവരെയും ആശുപത്രിയിലെത്തിച്ചത്.
