കൊച്ചി: പ്രായപൂര്‍ത്തിയാകാത്ത പെണ്‍കുട്ടി കുളിക്കുന്നത് ഒളിഞ്ഞുനോക്കിയ കേസിലെ പ്രതിക്ക് കടുത്ത ശിക്ഷ വിധിച്ച് കോടതി. എറണാകുളം ജില്ലയിലാണ് സംഭവം.
രണ്ടു വര്‍ഷം കഠിന തടവും പതിനായിരം രൂപ പിഴയുമാണ് കോടതി ശിക്ഷ വിധിച്ചത്. ചെറായി കോവിലകത്തുംകടവ് ഏലൂര്‍ വീട്ടില്‍ ശിവനെ (62) ആണ് പറവൂര്‍ അതിവേഗ സ്പെഷല്‍ കോടതി ശിക്ഷിച്ചത്.
also read:നീരൊഴുക്ക് കുറഞ്ഞു, മുല്ലപ്പെരിയാര്‍ അണക്കെട്ട് തുറക്കില്ല
ശിവന്‍ പിഴ അടച്ചില്ലെങ്കില്‍ ആറു മാസം അധിക തടവ് അനുഭവിക്കണം. 2022 ജൂലൈ 13 നാണ് കേസിന് ആസ്പദമായ സംഭവമുണ്ടാകുന്നത്.
പ്രായപൂര്‍ത്തിയാവാത്ത കുട്ടി കുളിക്കുമ്പോള്‍ ശിവന്‍ ശുചിമുറിയില്‍ ഒളിഞ്ഞുനോക്കുകയായിരുന്നു. പെണ്‍കുട്ടിയുടെ പിതാവിന്റെ പരാതിയില്‍ മുനമ്പം പൊലീസ് ആണ് കേസന്വേഷിച്ചത്.