മലപ്പുറം: ബൈക്ക് നിയന്ത്രണം വിട്ട് മതിലില്‍ ഇടിച്ച് വിദ്യാര്‍ത്ഥിക്ക് ദാരുണാന്ത്യം. മലപ്പുറം ജില്ലയിലെ തിരൂരങ്ങാടി ചെറുമുക്കിലാണ് സംഭവം.
വേങ്ങര ചേറൂര്‍ സ്വദേശി മുഹമ്മദ് നാഷിഹ് ആണ് മരിച്ചത്. പതിനാറ് വയസ്സായിരുന്നു. നിയന്ത്രണം വിട്ട ബൈക്ക് മതിലില്‍ ഇടിച്ച് മറിയുകയായിരുന്നു.
ഇന്നു രാവിലെയായിരുന്നു അപകടമുണ്ടായത്. ഗുരുതരമായി പരിക്കേറ്റ നാഷിഹിനെ ആശുപത്രിയില്‍ എത്തിച്ചുവെങ്കിലും ജീവന്‍ രക്ഷിക്കാനായില്ല.
കുണ്ടുര്‍ റോഡില്‍ റഹ്‌മത്ത് നഗറില്‍ വെച്ചായിരുന്നു അപകടം. ഉമ്മയുടെ വീടായ ചെറുമുക്ക് അബ്ദുറഹ്‌മാന്‍ ഹാജിയുടെ വീട്ടില്‍ എത്തിയതായിരുന്നു.
അവിടെ നിന്നും അങ്ങാടിയില്‍ സാധനങ്ങള്‍ വാങ്ങാന്‍ പോയപ്പോഴാണ് അപകടമുണ്ടായത്. ചേറൂര്‍പിപിടിഎം ഹയര്‍ സെക്കന്‍ഡറി സ്‌കൂളിലെ ഒമ്പതാം ക്ലാസ് വിദ്യാര്‍ത്ഥിയാണ് മുഹമ്മദ് നാഷിഹ്.
Discussion about this post