തൂശൂര്‍: തൃപ്രയാറില്‍ ആനയിടഞ്ഞു. ശ്രീരാമ സ്വാമി ക്ഷേത്രത്തിലെ ശീവേലി എഴുന്നള്ളിപ്പിന് കൊണ്ടുവന്ന കൊമ്പന്‍ പാര്‍ഥസാരഥിയാണ് ഇടഞ്ഞത്. നാല് മണിയോടെയായിരുന്നു സംഭവം. ഇടഞ്ഞ ആന രണ്ട് കാറും ഒരു വാനും പൂര്‍ണ്ണമായും തകര്‍ത്തു. രണ്ടു വാഹനങ്ങള്‍ ഭാഗികമായും തകര്‍ത്തു. അയ്യപ്പ ഭക്തന്‍മാരുടെ വാഹനങ്ങളാണ് കുത്തിമറിച്ചിട്ടത്. വഴിയോരത്തെ കടയും തകര്‍ത്തു.
ആന ഇടഞ്ഞതിനെ തുടര്‍ന്ന് തൃപ്രയാര്‍ – തൃശൂര്‍ പാതയില്‍ ഗതാഗതം തടസപ്പെട്ടു. സംഭവത്തെ തുടര്‍ന്ന് പാപ്പാന്‍മാര്‍ ചാടി രക്ഷപ്പെടുകയായിരുന്നു. പിന്നീട് തൃശൂരില്‍ നിന്ന് എലിഫന്റ് സ്‌ക്വാഡ് എത്തി വടം കെട്ടി ഒന്നര മണിക്കൂറോളം പരിശ്രമിച്ചാണ് ആനയെ തളച്ചത്.
Discussion about this post