മലപ്പുറം: അറുപത്തിയഞ്ചുകാരനെ കുത്തിക്കൊന്ന കേസില്‍ മരുമകന്‍ അറസ്റ്റില്‍. മലപ്പുറത്താണ് സംഭവം. പുല്ലാര സ്വദേശി അയ്യപ്പന്റെ മരണത്തില്‍ മകളുടെ ഭര്‍ത്താവ് പ്രിനോഷാണ് പിടിയിലായത്.
മലപ്പുറം മഞ്ചേരി പുല്ലാരയിലാണ് സംഭവമുണ്ടായത്. കുടുംബ വഴക്കിനിടെയായിരുന്നു ആക്രമണം. അയ്യപ്പനെ പ്രിനോഷ് കത്തികൊണ്ട് വയറിലും, തലക്കും കുത്തുകയായിരുന്നു.
മരുമകന്റെ ആക്രമണത്തില്‍ ഗുരുതരമായി പരിക്കേറ്റ അയ്യപ്പനെ ഉടന്‍ തന്നെ പ്രദേശവാസികള്‍ ചേര്‍ന്ന് മഞ്ചേരി മെഡിക്കല്‍ കോളജില്‍ എത്തിച്ചെങ്കിലും ജീവന്‍ രക്ഷിക്കാനായില്ല.
സംഭവത്തിന് പിന്നാലെ ഓടി രക്ഷപ്പെട്ട പ്രതിയെ മഞ്ചേരി പൊലീസാണ് പുലര്‍ച്ചയോടെ കസ്റ്റഡിയിലെടുത്തത്.