കൊല്ലം: ശബരിമല തീര്‍ത്ഥാടകര്‍ സഞ്ചരിച്ച വാഹനങ്ങള്‍ കൂട്ടിയിടിച്ചുണ്ടായ അപകടത്തില്‍ നിരവധി പേര്‍ക്ക് പരിക്ക്. കൊട്ടാരക്കര ദിണ്ടുക്കല്‍ ദേശീയപാതയില്‍ വെച്ചാണ് അപകടം സംഭവിച്ചത്. പത്ത് പേര്‍ക്ക് പരിക്കേറ്റതായാണ് വിവരം.
കുട്ടിക്കാനത്തിനും പീരുമേടിനുമിടയിലാണ് അപകടം ഉണ്ടായത്. കാറും ട്രാവലറും കൂട്ടിയിടിച്ചാണ് അപകടം. ആന്ധ്രപ്രദേശില്‍ നിന്നും ശബരിമലയിലേക്ക് പോകാനായി വന്നവരായിരുന്നു കാറിലുണ്ടായിരുന്നത്.
ശബരിമലയില്‍ നിന്നും വന്ന തെലുങ്കന സ്വദേശികളായ അയ്യപ്പ ഭക്തര്‍ വന്ന ട്രാവലറുമായാണ് കാര്‍ കൂട്ടിയിടിച്ചത്. ഇതിലൊരു വാഹനം മറ്റൊരു കാറിലും ഇടിച്ചു. അപകടത്തില്‍ വാഹനങ്ങളുടെ മുന്‍ഭാഗം പൂര്‍ണ്ണമായും തകര്‍ന്നു.
പരിക്കേറ്റവരെ പീരുമേട് താലൂക്ക് ആശുപത്രി പ്രാഥമിക ചികിത്സ നല്‍കിയ ശേഷം കോട്ടയം മെഡിക്കല്‍ കോളേജിലേക്കും കാഞ്ഞിരപ്പള്ളി താലൂക്ക് ആശുപത്രിയിലേക്കും മാറ്റി.
Discussion about this post