കണ്ണൂര്‍: തളിപ്പറമ്പില്‍ വന്‍ കഞ്ചാവ് വേട്ട. 15 കിലോ കഞ്ചാവുമായി രണ്ട് യുവാക്കളെ പോലീസ് അറസ്റ്റ് ചെയ്തു. ചപ്പാരപ്പടവ് സ്വദേശി അലി അക്ബര്‍ (25), കുറുമാത്തൂരിലെ ജാഫര്‍ (28) എന്നിവരാണ് അറസ്റ്റിലായത്.
ഡിവൈഎസ്പി കെവി വേണുഗോപാലിന് ലഭിച്ച രഹസ്യ വിവരത്തിന്റെ അടിസ്ഥാനത്തില്‍ സിഐ കെജെവിനോയി, എസ്‌ഐ കെ ദിനേശന്‍ എന്നിവരും ഡിവൈഎസ്പി സ്‌ക്വാഡ് അംഗങ്ങളും ചേര്‍ന്ന് പരിശോധന നടത്തുന്നതിനിടെയാണ് പ്രതികള്‍ വലയിലായത്. പ്രതികളെ കോടതിയില്‍ ഹാജരാക്കി റിമാന്‍ഡ് ചെയ്തു.
അതേസമയം, പല ജില്ലകളില്‍ കഞ്ചാവിന്റെയും മയക്കുമരുന്നിന്റെയും ഉല്പന്നവും ഉപയോഗവും വര്‍ധിച്ചിരിക്കുന്ന സാഹചര്യത്തില്‍ പോലീസ് നടപടികള്‍ കര്‍ശനമാക്കിയിരിക്കുകയാണ്.