ആലപ്പുഴ: വീണ്ടും നാടിനെ നടുക്കുന്ന കൊലപാതകം. ഭര്‍ത്താവ് ഭാര്യയെ കുത്തിക്കൊന്നു. ആലപ്പുഴ ജില്ലയിലെ ചെങ്ങന്നൂരിലാണ് സംഭവം. പെരളശ്ശേരി അജയ് ഭവനില്‍ രാധയാണ് മരിച്ചത്.
ഭര്‍ത്താവ് ശിവന്‍കുട്ടിയാണ് രാധയെ കത്തികൊണ്ട് കുത്തിക്കൊന്നത്. സംഭവത്തില്‍ ശിവന്‍കുട്ടിയെ ചെങ്ങന്നൂര്‍ പൊലീസ് കസ്റ്റഡിയിലെടുത്തു. ഇന്ന് വൈകീട്ട് നാലരയോടെയാണ് സംഭവം.
അടുക്കളയില്‍ പച്ചക്കറി മുറിക്കാനുപയോഗിക്കുന്ന കത്തി ഉപയോഗിച്ചാണ് ശിവന്‍കുട്ടി ഭാര്യയെ കുത്തിയത്. സംഭവത്തില്‍ കേസെടുത്തു പൊലീസ് അന്വേഷണം ആരംഭിച്ചു.
