കോഴിക്കോട്: കോഴിക്കോട് നിര്മാണം നടക്കുന്ന വീട്ടില് മൃതദേഹം കണ്ടെത്തി. നാദാപുരം അഹമ്മദ് മുക്കിലാണ് നിര്മാണം നടക്കുന്ന വീട്ടില് നിന്നും അറുപതുകാരന്റെ മൃതദേഹം കണ്ടെത്തിയത്.
എളയിടം സ്വദേശി പാലോള്ളതില് അമ്മദിന്റേതാണ് മൃതദേഹമെന്ന് ബന്ധുക്കള് തിരിച്ചറിഞ്ഞു. അഞ്ച് ദിവസമായി പാലോള്ളതില് അമ്മദിനെ കാണാനില്ലായിരുന്നു. ഇന്ന് രാവിലെ ഈ വീടിനകത്ത് നിന്ന് ദുര്ഗന്ധം വമിച്ചതിനെ തുടര്ന്ന് നാട്ടുകാര് നടത്തിയ തെരച്ചിലിലാണ് മൃതദേഹം കണ്ടെത്തിയത്.
പ്രാഥമിക അന്വേഷണത്തില് ദുരൂഹതയില്ലെന്ന് പോലീസ് പറയുന്നു. ഇന്ക്വസ്റ്റ് നടപടികള്ക്ക് ശേഷം മൃതദേഹം ആശുപത്രിയിലേക്ക് മാറ്റും. പോസ്റ്റ്മോര്ട്ടം നടപടികള്ക്ക് ശേഷം ബന്ധുക്കള്ക്ക് വിട്ടുകൊടുക്കുമെന്നും പോലീസ് അറിയിച്ചു.
Discussion about this post