മലപ്പുറം: സഹപാഠിയായ പെണ്‍കുട്ടിയുമായി സ്‌കൂളില്‍ വെച്ച് സംസാരിച്ചതിന് മലപ്പുറത്ത് അധ്യാപകന് വിദ്യാര്‍ത്ഥിയെ മര്‍ദിച്ചതായി പരാതി. മലപ്പുറം ഒഴുകൂര്‍ ക്രസന്റ് ഹയര്‍ സെക്കന്‍ഡറി സ്‌കൂളിലാണ് സംഭവം. ഒമ്പതാം ക്ലാസുകാരനായ വിദ്യാര്‍ത്ഥിയെയാണ് അധ്യാപകന് മര്‍ദിച്ചത്.
സംഭവത്തില്‍ സ്‌കൂളിലെ സുബൈര്‍ എന്ന അധ്യാപകനെതിരെ വിദ്യാര്‍ത്ഥി ചൈല്‍ഡ് ലൈനില്‍ പരാതി നല്‍കി. ചൊവ്വാഴ്ച ഉച്ചയോടെയായിരുന്നു സംഭവം. പരാതിക്കാരനായ വിദ്യാര്‍ത്ഥി സഹപാഠിയായ പെണ്‍കുട്ടിയുമായി സംസാരിക്കുന്നതിന്റെ ദൃശ്യങ്ങള്‍ പകര്‍ത്തിയ സുബൈര്‍ വിദ്യാര്‍ത്ഥിയെ മര്‍ദിക്കുകയായിരുന്നു.
കൂടാതെ, ക്ലാസിലെ മറ്റ് കുട്ടികളുടെ മുന്നില്‍ വെച്ച് മോശമായി സംസാരിക്കുകയും വടി കൊണ്ട് പല തവണ അടിക്കുകയും ചെയ്‌തെന്ന് കുട്ടിയുടെ മാതാവ് പറഞ്ഞു.
ALSO READ- മധ്യ-തെക്കന്‍ കേരളത്തില്‍ ഇടിമിന്നലോടുകൂടിയ പെരുമഴ, ഒമ്പത് ജില്ലകളില്‍ യെല്ലോ അലേര്‍ട്ട്
വിദ്യാര്‍ത്ഥി കൊണ്ടോട്ടി താലൂക്ക് ആശുപത്രിയില്‍ ചികിത്സയിലാണ്. മര്‍ദ്ദനത്തില്‍ കുട്ടിയുടെ കാലിനും മറ്റ് ശരീരഭാഗങ്ങള്‍ക്കും പരിക്കേറ്റിട്ടുണ്ടെന്നാണ് വിവരം. എന്നാല്‍, സംഭവം ശ്രദ്ധയില്‍പ്പെട്ടിട്ടില്ലെന്നും അധ്യാപകനില്‍ നിന്ന് വിശദീകരണം തേടിയ ശേഷം മറ്റ് നടപടികള്‍ സ്വീകരിക്കുമെന്നും സ്‌കൂള്‍ അധികൃതര്‍ അറിയിച്ചു.
Discussion about this post