കൊല്ലം: വിദ്യാര്‍ത്ഥി കുളത്തില്‍ മുങ്ങിമരിച്ചു. കൊല്ലം ജില്ലയിലെ ശാസ്താംകോട്ടയിലാണ് സംഭവം. കടമ്പനാട് മാഞ്ഞാലി സ്വദേശി അഭിനന്ദ് ആണ് കുളത്തില്‍ മുങ്ങിമരിച്ചത്.
പത്തനംതിട്ട കടമ്പനാട് ബോയ്‌സ് ഹൈസ്‌കൂളിലെ ഒന്‍പതാം ക്ലാസ് വിദ്യാര്‍ത്ഥിയാണ് അഭിനന്ദ്. ശാസ്താംകോട്ട ഉപജില്ല കലോത്സവം കാണാന്‍ എത്തിയതായിരുന്നു അഭിനന്ദ്.
കലോത്സവം നടക്കുന്ന സ്‌കൂളിനടുത്ത് കുളത്തില്‍ സുഹൃത്തുക്കള്‍ക്ക് ഒപ്പം കുളിക്കാന്‍ പോയപ്പോഴാണ് അപകടം സംഭവിച്ചത്. കുളത്തില്‍ മുങ്ങിത്താഴ്ന്ന അഭിനന്ദിനെ കൂട്ടുകാര്‍ക്കും രക്ഷിക്കാനായില്ല.