കോഴിക്കോട്: സ്വകാര്യ ബസിന് മുന്നില്‍ സ്‌കൂട്ടറില്‍ യുവാവിന്റെ അഭ്യാസ പ്രകടനം. ബസിന് മുന്നില്‍ തടസം സൃഷ്ടിച്ച് വണ്ടിയോടിച്ചതിന് കല്ലായി സ്വദേശി ഫര്‍ഹാനെതിരെ പന്നിയങ്കര പോലീസ് കേസെടുത്തു. ഇന്നലെ വൈകിട്ടാണ് സംഭവം നടന്നത്.
കോഴിക്കോട് മീഞ്ചന്ത ബൈപാസിലാണ് സംഭവം നടന്നത്. സിഗ് സാഗ് മാനറിലായിരുന്നു സ്‌കൂട്ടറില്‍ അഭ്യാസപ്രകടനം നടത്തിയത്. സ്വകാര്യ ബസിന് മുന്നില്‍ മീറ്ററുകളോളമാണ് യുവാവ് സ്‌കൂട്ടറുമായി അഭ്യാസ പ്രകടനം നടത്തിയത്.
യുവാവ് മദ്യ ലഹരിയിലായിരുന്നുവെന്ന് പോലീസ് പറയുന്നു. അതിനാലാണ് ഇത്തരത്തില്‍ അഭ്യാസ പ്രകടനം നടത്തിയത്. മറ്റു പ്രശ്‌നങ്ങള്‍ യുവാവും ബസ് ഡ്രൈവറും തമ്മില്‍ ഇല്ല. യുവാവിന്റെ ലൈസന്‍സ് സസ്പെന്ഡ് ചെയ്യാനുള്ള നടപടി ആരംഭിച്ചുവെന്ന് ആര്‍ടിഒ അറിയിച്ചു. അപകടകരമായ ഡ്രൈവിങ്, മദ്യപിച്ച് വാഹനം ഓടിക്കല്‍ എന്നീ കുറ്റങ്ങള്‍ ഫര്‍ഹാനെതിരെ ചുമത്തിയാണ് കേസെടുത്തിരിക്കുന്നത്.
Discussion about this post