കോഴിക്കോട്: വടകരയില്‍ ടൂറിസ്റ്റ് വാന്‍ നിയന്ത്രണം വിട്ട് താഴ്ചയിലേക്ക് മറിഞ്ഞ് സ്ത്രീ മരിച്ചു.
അപകടത്തില്‍ കോട്ടയം സ്വദേശി സാലിയ (60) ആണ് മരിച്ചത്. 12 പേര്‍ക്കു പരുക്കേറ്റു. മടപ്പള്ളി കോളജ് സ്റ്റോപ്പിനടുത്ത് ചൊവ്വാഴ്ച പുലര്‍ച്ചെയായിരുന്നു അപകടം.
പാലായില്‍ നിന്ന് കാസര്‍കോട് വെള്ളരിക്കുണ്ടിലെ മരണവീട്ടിലേക്കു പോകുകയായിരുന്ന സംഘമാണ് അപകടത്തില്‍പ്പെട്ടത് അഗ്നി രക്ഷാസേന എത്തിയാണ് വാഹനത്തിലുണ്ടായിരുന്നവരെ ആശുപത്രിയിലേക്കു മാറ്റിയത്.
പരുക്കേറ്റ മൂന്നു പേര്‍ കോഴിക്കോട് മെഡിക്കല്‍ കോളജില്‍ ചികിത്സയിലാണ്. ഇതില്‍ ഒരാളുടെ നില ഗുരുതരമാണ്. മറ്റുള്ളവരെ വടകരയിലെ സ്വകാര്യ ആശുപത്രിയില്‍ പ്രവേശിപ്പിച്ചു.
Discussion about this post