തൃശൂര്‍: ബൈക്കും ലോറിയും കൂട്ടിയിടിച്ചുണ്ടായ അപകടത്തില്‍ പൊലീസുകാരന് ദാരുണാന്ത്യം. തൃശ്ശൂര്‍ ജില്ലയിലെ കയ്പമംഗലത്താണ് അപകടം. കയ്പമംഗലം പൊലീസ് സ്റ്റേഷനിലെ സിപിഒ ആനന്ദാണ് മരിച്ചത്.
മുപ്പത്തിയേഴ് വയസ്സായിരുന്നു. ഇന്നലെ രാത്രി 11.30ന് കയ്പമംഗലം അറവുശാലയില്‍ വച്ചാണ് അപകടമുണ്ടായത്. ജോലി കഴിഞ്ഞ് താമസ സ്ഥലത്തേക്കു മടങ്ങുന്നതിനിടെയായിരുന്നു അപകടം.
ആനന്ദ് സഞ്ചരിച്ച ബൈക്ക് മിനി ലോറിക്കു പിന്നില്‍ ഇടിക്കുകയായിരുന്നു. മുന്നില്‍ പോയ വാഹനം പെട്ടെന്നു ബ്രേക്കിട്ടതാണ് അപകടത്തിനു കാരണമെന്നാണ് ലഭിക്കുന്ന വിവരം.
ആനന്ദിനെ ഉടന്‍ തന്നെ സമീപത്തെ സ്വകാര്യ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. ആനന്ദിന്റെ മരണം സഹപ്രവര്‍ത്തകരെയും നാട്ടുകാരെയും വേദനയിലാഴ്ത്തിയിരിക്കുകയാണ്.
Discussion about this post