കോട്ടയം: ശക്തമായ മഴയെ തുടര്ന്ന് മണ്ണിടിച്ചില് ഉണ്ടായതിനാല് ഈരാറ്റുപേട്ട- വാഗമണ് റൂട്ടില് വാഹന ഗതാഗതം നിരോധിച്ച് ഉത്തരവിട്ടു. ജില്ലയില് മഴ തുടരുന്ന സാഹചര്യത്തില് മലയോര മേഖലയിലേക്കുള്ള യാത്രകള് ഒഴിവാക്കണമെന്ന് ജില്ലാ കളക്ടര് വി. വിഗ്നേശ്വരി അറിയിച്ചു.
കനത്ത മഴയെത്തുടർന്ന് മണ്ണിടിച്ചിൽ ഉണ്ടായതിനാൽ ഈരാറ്റുപേട്ട- വാഗമൺ റൂട്ടിൽ വാഹന ഗതാഗതം നിരോധിച്ചു. മഴ തുടരുന്ന സാഹചര്യത്തിൽ മലയോര മേഖലയിലേക്കുള്ള യാത്രകൾ ഒഴിവാക്കണം.
കോട്ടയം ജില്ലയുടെ തീക്കായി, തലനാട്, അടുക്കം ഭാഗങ്ങളില് മൂന്നു മണിക്കൂറോളമായി അതിശക്തമായി മഴ തുടരുകയാണ്. മീനച്ചിലാറില് പലയിടത്തും ജല നിരപ്പ് ഉയര്ന്നിട്ടുണ്ട്. അതിനിടെ, വാഗമണ് റോഡില് മംഗളഗിരിയില് മണ്ണിടിച്ചിലിനെ തുടര്ന്ന് ഗതാഗത തടസ്സപ്പെട്ടു. മണ്ണിടിച്ചിലിനെ തുടര്ന്ന് തീക്കോയി വില്ലേജില് വെളിക്കുളം സ്കൂളില് ക്യാമ്പ് തുറന്നിട്ടുണ്ട്.
അതേസമയം, മധ്യ തെക്കന് കേരളത്തില് പരക്കെ മഴ സാധ്യതയെന്നാണ് കാലാവസ്ഥ നിരീക്ഷണ വകുപ്പിന്റെ മുന്നറിയിപ്പ്. തിരുവനന്തപുരം മുതല് ഇടുക്കി വരെ ഏഴ് ജില്ലകളില് യെല്ലോ അലര്ട്ട് പ്രഖ്യാപിച്ചിട്ടുണ്ട്. തിരുവനന്തപുരം, കൊല്ലം പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി എന്നിവിടങ്ങളിലാണ് യെല്ലോ അലര്ട്ട് പ്രഖ്യാപിച്ചിരിക്കുന്നത്. 22ാം തീയതി വെള്ളിയാഴ്ച മലപ്പുറം, കണ്ണൂര് ജില്ലകളിലും യെല്ലോ അലര്ട്ട് പ്രഖ്യാപിച്ചിട്ടുണ്ട്.
Discussion about this post