കോഴിക്കോട്: ബൈക്ക് അപകടത്തില്‍ ഗുരുതരമായി പരിക്കേറ്റ് ചികിത്സയിലായിരുന്ന സ്‌കൂള്‍ അധ്യാപകന്‍ മരിച്ചു. കുറ്റ്യാടി തീക്കുനിക്ക് സമീപം പൂമുഖം സ്വദേശി ടി അഷ്റഫ് (45) ആണ് ബൈക്കപകടത്തെ തുടര്‍ന്ന് മരിച്ചത്. കോഴിക്കോട് സ്വകാര്യ ആശുപത്രിയില്‍ ചികിത്സയിലിരിക്കെ വെള്ളിയാഴ്ചയായിരുന്നു മരണം. ആഗസ്റ്റ് 25നായിരുന്നു അപകടം നടന്നത്.
വേളം കുന്നുമ്മല്‍ മസ്ജിദിന് സമീപം അഷ്റഫ് ഓടിച്ചിരുന്ന ബൈക്കില്‍ ചരക്ക് വാഹനം ഇടിച്ചു കയറുകയായിരുന്നു. ഉടന്‍ തന്നെ അദ്ദേഹത്തെ ആശുപത്രിയിലെ തീവ്രപരിചരണ വിഭാഗത്തില്‍ പ്രവേശിപ്പിച്ചിരുന്നു.
തൂണേരിക്ക് സമീപം കോടഞ്ചേരി എല്‍പി സ്‌കൂളിലെ അറബിക് ഭാഷാധ്യാപകനായിരുന്നു അഷ്റഫ്. സാമൂഹ്യ പ്രവര്‍ത്തകന്‍ കൂടിയായ അഷ്റഫ് കേരള മാപ്പിള കലാ വേദി ‘ഇശല്‍ കൂട്ടം’ കുറ്റ്യാടി യൂണിറ്റ് കണ്‍വീനറാണ്.
Discussion about this post