മീനങ്ങാടി: കാണാതായ കര്‍ഷകന്റെ മൃതദേഹം ഡാമിനു സമീപം കണ്ടെത്തി. വയനാട്ടിലാണ് സംഭവം.കുണ്ടുവയലില്‍ കീഴാനിക്കല്‍ സുരേന്ദ്രന്റെ (59) മൃതദേഹമാണ് കാരാപ്പുഴ ഡാമിനു സമീപത്തുനിന്ന് ദുരൂഹ സാഹചര്യത്തില്‍ കണ്ടെത്തിയത്.
ചെക്ക് ഡാമിനു സമീപത്തുനിന്ന് തുര്‍ക്കി ജീവന്‍ രക്ഷാ സമിതി പ്രവര്‍ത്തകരാണ് മൃതദേഹം കണ്ടെത്തിയത്. ബുധനാഴ്ച ഉച്ചക്കായിരുന്നു സുരേന്ദ്രനെ കാണാതായത്. കാരാപ്പുഴ പദ്ധതി പ്രദേശത്തിന് സമീപം കുണ്ടുവയല്‍ഭാഗത്ത് പുല്ലരിയാന്‍ പോയതായിരുന്നു.
മുതലയോ മറ്റേതെങ്കിലും ജീവിയോ വലിച്ച് കൊണ്ടുപോയതാകാമെന്ന സംശയത്തിലായിരുന്നു അധികൃതര്‍. സമീപത്ത് പുല്ലിലൂടെ വലിച്ച് കൊണ്ടുപോയ അടയാളമുണ്ട്. സുരേന്ദ്രന്റെ കരച്ചില്‍ കേട്ടതായി ചില നാട്ടുകാരും പറഞ്ഞിരുന്നു.
സുരേന്ദ്രനെ കണ്ടെത്താന്‍ ഫയര്‍ഫോഴ്സും മീനങ്ങാടി പൊലീസും പള്‍സ് എമര്‍ജന്‍സി ടീം അംഗങ്ങളും സ്ഥലത്തെത്തി പരിശോധന നടത്തിയെങ്കിലും ബുധനാഴ്ച കണ്ടെത്താനായില്ല. തുടര്‍ന്ന് വ്യാഴാഴ്ച നടത്തിയ തിരച്ചിലിലാണ് മൃതദേഹം കണ്ടെത്തിയത്.
Discussion about this post