മലപ്പുറം: വിവാഹ വാഗ്ദാനം നൽകി വിവിധയിടങ്ങളിൽ എത്തിച്ച് ലൈംഗികമായി പീഡിപ്പിച്ചെന്ന പരാതിയിൽ പോലീസ് സർക്കിൾ ഇൻസ്‌പെക്ടർക്കെതിരെ കേസെടുത്തു. കുറ്റിപ്പുറം പോലീസാണ് തൃശൂർ ക്രൈംബ്രാഞ്ച് സിഐ എ സി പ്രമോദിനെതിരെ കേസെടുത്തത്.
പരാതിക്കാരി ആലപ്പുഴ സ്വദേശിനിയാണ്. കുറ്റിപ്പുറം സിഐ ആയിരുന്ന പ്രമോദിനെ ഒരു മാസം മുമ്പാണ് തൃശൂരിലേക്ക് സ്ഥലം മാറ്റിയത്. ഇയാൾ കുറ്റിപ്പുറം സിഐ ആയിരിക്കെ വിവാഹ വാഗ്ദാനം നൽകി വിവിധയിടങ്ങളിൽ കൊണ്ടുപോയി പീഡിപ്പിച്ചുവെന്നാണ് പരാതി.
യുവതി മലപ്പുറം വനിതാ പോലീസ് സ്റ്റേഷനിലാണ് പരാതി നൽകിയിരുന്നത്. സംഭവം നടന്നത് കുറ്റിപ്പുറം പോലീസ് സ്റ്റേഷൻ പരിധിയിലായത് കൊണ്ട് കേസ് അവിടേക്ക് കൈമാറുകയായിരുന്നു.
Discussion about this post