കോട്ടയം: നിയന്ത്രണംവിട്ട കാര്‍ റോഡരികിലെ കടയിലേയ്ക്കു ഇടിച്ചു കയറിയുണ്ടായ അപകടത്തില്‍ ഒരാള്‍ക്ക് ദാരുണാന്ത്യം. കോട്ടയം എംസി റോഡില്‍ കുറിച്ചി കാലായില്‍പ്പടിയിലാണ് അപകടം. തമിഴ്നാട് സ്വദേശിയാണ് മരിച്ചത്.
സ്വാമി ദൊരെ എന്നയാളാണ് മരിച്ചത്. അപകടത്തില്‍ വഴിയാത്രക്കാരായ നാലു പേര്‍ക്കും, കാറോടിച്ച തിരുവനന്തപുരം സ്വദേശി വിഷ്ണുവിനും പരിക്കേറ്റു. ഇവരെ ആശുപത്രിയില്‍ പ്രവേശിപ്പിച്ചിരിക്കുകയാണ്.
കുറിച്ചി കാലായിപ്പടിയില്‍ ഇന്ന് രാവിലെയായിരുന്നു അപകടം. ചങ്ങനാശേരി ഭാഗത്തു നിന്നുമാണ് കാര്‍ വന്നത്. തിരുവനന്തപുരത്തു നിന്നും എറണാകുളത്തേക്ക് പോവുകയായിരുന്നു കാറോടിച്ചിരുന്ന വിഷ്ണു.
also read: ഭക്ഷണം തൊണ്ടയില്‍ കുടുങ്ങി ശ്വാസം കിട്ടാതെ പിടഞ്ഞ വിദ്യാര്‍ത്ഥിനി, രക്ഷകയായെത്തി അധ്യാപിക
നിയന്ത്രണം നഷ്ടപ്പെട്ട് കുതിച്ചെത്തിയ കാര്‍ റോഡരികിലെ തട്ടുകടയിലേയ്ക്ക് ഇടിച്ചു കയറുകയായിരുന്നു. ഇടിയുടെ ആഘാതത്തില്‍ കടയില്‍ നില്‍ക്കുകയായിരുന്നു സ്വാമി ദൊരെ സംഭവസ്ഥലത്ത് തന്നെ മരിച്ചു.
എതിരെ വന്ന മറ്റൊരു ബൈക്കിലും കാര്‍ ഇടിച്ചു. തട്ടുകടയ്ക്കുള്ളിലെ ജീവനക്കാരന് കടയിലെ പാല്‍ തെറിച്ചു വീണും പൊള്ളലേറ്റു. അപകടത്തെ തുടര്‍ന്ന് എം സി റോഡില്‍ നേരിയ ഗതാഗത തടസവും ഉണ്ടായി.