കോഴിക്കോട്: വാഹനാപകടത്തില്‍ പ്രവാസിക്ക് ദാരുണാന്ത്യം. കോഴിക്കോട് ജില്ലയിലാണ് സംഭവം. വടകര താഴെ അങ്ങാടി മുക്കോലഭാഗം വൈദ്യരവിട ഹസീബാണ് മരിച്ചത്. നാല്‍പ്പത്തിയൊന്ന് വയസ്സായിരുന്നു.
ബൈക്കും ലോറിയും കൂട്ടിയിടിച്ചാണ് അപകടം സംഭവിച്ചത്. ബൈക്ക് യാത്രികനായിരുന്നു ഹസീബ്. വടകര ദേശീയപാതയില്‍ ചോറോട് ഓവര്‍ബ്രിഡ്ജിനു സമീപത്തുവച്ചാണ് അപകടം സംഭവിച്ചത്.
also read: മീന്‍ പിടിക്കാന്‍ വല എറിഞ്ഞു: കിട്ടിയത് 40 ലക്ഷത്തിന്റെ 2000 രൂപാ നോട്ടുകള്‍
കഴിഞ്ഞ ദിവസം രാവിലെ പതിനൊന്നരയോടെയായിരുന്നു അപകടം. ഹസീബ് സഞ്ചരിച്ച ബൈക്കില്‍ കുതിച്ചെത്തിയ ലോറി ഇടിക്കുകയായിരുന്നു. റോഡിലേക്ക് തെറിച്ചുവീണ ഹസീബിന് ഗുരുതരമായി പരിക്കേറ്റു.
ഹസീബ് സംഭവ സ്ഥലത്തുവച്ച തന്നെ മരിച്ചിരുന്നു. മൂന്നാഴ്ച മുമ്പ് ഗള്‍ഫില്‍ നിന്നെത്തിയ ഹസീബ് അടുത്ത മാസം തിരികെ പോകാനിരിക്കെയാണ് അപകടം.