കോഴിക്കോട്: വെള്ളിമാടുകുന്ന് ബോയ്‌സ് ഹോമില്‍ നിന്ന് കാണാതായ നാല് ആണ്‍കുട്ടികളെയും കണ്ടെത്തി. കോഴിക്കോട് സ്വദേശികളായ മൂന്നുപേരെ ഏറനാട് എക്‌സ്പ്രസ് ട്രെയിനില്‍ ഷൊര്‍ണൂരില്‍ നിന്നും ലക്‌നൗ സ്വദേശിയെ കോഴിക്കോട് റയില്‍വേ സ്റ്റേഷനില്‍ നിന്നുമാണ് കണ്ടെത്തിയത്. കൊയിലാണ്ടി റെയില്‍വേ സ്റ്റേഷനില്‍ നിന്നാണ് മൂന്നുപേര്‍ ട്രയിനില്‍ കയറിയത്.
ബോയ്‌സ് ഹോമില്‍ നിന്ന് ഇവര്‍ പുറത്തുകടന്നത് രണ്ട് സംഘങ്ങളായിട്ടായിരുന്നു. ഇന്നലെ ഇവിടെ എത്തിയ മുന്‍ അന്തേവാസികളില്‍ ഒരാളുടെ ഫോണ്‍ കോള്‍ കേന്ദ്രീകരിച്ച് നടത്തിയ അന്വേഷണത്തിലാണ് കോഴിക്കോട് സ്വദേശികളെ കണ്ടെത്തിയത്.
രാത്രി 11 മണിക്കായിരുന്നു ശുചിമുറികളുടെ ഗ്രില്‍ തകര്‍ത്ത് ഇവര്‍ പുറത്തുചാടിയത്. പുറത്തു നിന്നുള്ളവരുടെ സഹായം ലഭിച്ചെന്ന് ആദ്യഘട്ടത്തില്‍ പോലീസിന് വിവരം ലഭിച്ചിരുന്നെങ്കിലും ഇക്കാര്യത്തില്‍ കൂടുതല്‍ വ്യക്തത വരേണ്ടതുണ്ട്.
Discussion about this post