മലപ്പുറം: സീറ്റ് ബെല്‍റ്റിട്ടില്ലെന്ന് കാണിച്ച് സീറ്റ് ബെല്‍റ്റ് ഇല്ലാതെ വിപണിയിലിറങ്ങിയ വാഹനത്തിന്റെ ഉടമയ്ക്ക് മോട്ടോര്‍ വാഹന വകുപ്പിന്റെ നോട്ടീസ്. മലപ്പുറം ജില്ലയിലാണ് സംഭവം.
കരുളായി സ്വദേശി ഷറഫുദ്ദീനാണ് മോട്ടോര്‍വാഹന വകുപ്പിന്റെ നോട്ടീസ് ലഭിച്ചത്. സീറ്റ് ബെല്‍റ്റ് ധരിച്ചില്ലെന്ന് ചൂണ്ടിക്കാട്ടി പിഴയടക്കാന്‍ നിര്‍ദ്ദേശിച്ചുകൊണ്ടായിരുന്നു നോട്ടീസ്.
KL12 6316 നമ്പറിലുളള വാഹനത്തില്‍ സീറ്റ് ബെല്‍റ്റ് ധരിക്കാതെ യാത്രചെയ്തതിന് 500 രൂപ പിഴയടയ്ക്കണമെന്നാണ് മോട്ടോര്‍ വാഹനവകുപ്പിന്റെ നോട്ടീസില്‍ പറയുന്നത്.
എന്നാല്‍ ഈ വാഹനത്തിന് വിപണിയിലിറങ്ങിയതുമുതല്‍ സീറ്റ് ബെല്‍റ്റ് ഇല്ല. ഇല്ലാത്ത സീറ്റ് ബെല്‍റ്റ് താന്‍ എങ്ങനെ ധരിക്കുമെന്നാണ് ഷറഫുദ്ദീന്‍ ചോദിക്കുന്നത്.
പിഴയൊഴിവാക്കണമെന്നാവശ്യപ്പെട്ട് മോട്ടോര്‍ വാഹനവകുപ്പിന് പരാതി നല്‍കിയിട്ടുണ്ട്. ഇന്നുവരെ വാഹനപരിശോധനയില്‍ പൊലീസോ മോട്ടാര്‍വാഹന വകുപ്പോ സീറ്റ് ബെല്‍റ്റിനെക്കുറിച്ച് ഷറഫുദ്ദീനോട് പറഞ്ഞിട്ടില്ല.