പത്തനംതിട്ട: കന്നിമല മേഖലയില്‍ വീണ്ടും കാട്ടാനകളിറങ്ങി. കഴിഞ്ഞ ദിവസം രാവിലെയാണ് കന്നിമല ടോപ് ഡിവിഷനില്‍ കുട്ടിയടക്കം 3 കാട്ടാനകള്‍ ജനവാസ മേഖലയിലെത്തിയത്.
ഒരു മാസത്തെ ഇടവേളയ്ക്കുശേഷമാണ് ഇവിടെ കാട്ടാനകളിറങ്ങിയത്. തൊഴിലാളി ലയങ്ങള്‍ക്കു സമീപം രാവിലെയെത്തിയ കാട്ടാനകള്‍ പിന്നീട് പതിനാലാം നമ്പര്‍ ഫീല്‍ഡിലെത്തി.
ആനകളെ ഭയന്ന് ജോലിക്കെത്തിയ തൊഴിലാളികള്‍ മറ്റൊരു ഫീല്‍ഡിലാണ് ജോലി ചെയ്തത്. സാധാരണ കന്നിമലയില്‍ കൂട്ടമായി കാട്ടാനകള്‍ എത്താറുണ്ടായിരുന്നു.
എന്നാല്‍ കഴിഞ്ഞ ഒരു മാസമായി കന്നിമലയില്‍ ഇവയുടെ ശല്യമില്ലായിരുന്നു. കാട്ടുകൊമ്പന്‍ പടയപ്പയെ രണ്ടാഴ്ചയായി കാണാനില്ല. കഴിഞ്ഞ 17 മുതലാണ് പടയപ്പയുടെ വിവരമില്ലാതായത്.
Discussion about this post