കാസര്‍ഗോഡ് : ട്രെയിന്‍ യാത്രക്കിടെ വനിതാ ഡോക്ടര്‍ക്ക് നേരെ ലൈംഗികാതിക്രമം നടത്തിയ പ്രതി പിടിയില്‍. തൃശ്ശൂര്‍ സ്വദേശി സനീഷ് ആണ് പിടിയിലായത്. ചെന്നൈ മംഗളുരു എക്‌സ്പ്രസില്‍ വച്ചാണ് സംഭവം.
ഹോസ്ദുര്‍ഗ് പോലീസാണ് സനീഷിനെ പിടികൂടിയത്. മംഗളൂരുവില്‍ ഹൗസ് സര്‍ജനായ യുവതിയെ ഇയാള്‍ ട്രെയിനില്‍ വെച്ച് ശല്യം ചെയ്തത്. തലശ്ശേരിയില്‍ നിന്ന് കയറിയ ഇയാള്‍ പീഡിപ്പിക്കാന്‍ ശ്രമിച്ചെന്ന് ചൂണ്ടിക്കാട്ടി യുവതി കാസര്‍കോട് റെയില്‍വേ പോലീസില്‍ പരാതി നല്‍കിയിരുന്നു.
യുവതി ഇയാളുടെ ഫോട്ടോ മൊബൈല്‍ ഫോണില്‍ പകര്‍ത്തിയിരുന്നു. ഇതോടെ ട്രെയിന്‍ നീലേശ്വരം റെയില്‍വേ സ്റ്റേഷനില്‍ എത്തിയപ്പോള്‍ ഇയാള്‍ ഇറങ്ങി ഓടുകയായിരുന്നു. ആദ്യം കൈ ഉപയോഗിച്ച് ഇയാള്‍ തന്റെ രഹസ്യ ഭാഗത്ത് സ്പര്‍ശിച്ചിരുന്നുവെന്ന് യുവതി പോലീസിനോട് പറഞ്ഞു.
also read: ക്ഷേത്രത്തിന്റെ കാണിക്ക വഞ്ചി തുറന്നു: എട്ട് ലക്ഷത്തിന്റെ 2000ത്തിന്റെ നോട്ടുകള്‍
അപ്പോള്‍ തന്നെ താന്‍ രൂക്ഷമായി പ്രതികരിച്ചു താക്കീത് നല്‍കിയെന്നും തുടര്‍ന്ന് മയങ്ങിയപ്പോഴാണ് തോളില്‍ അവയവം കൊണ്ട് ഉരസി എന്നും പരാതിയില്‍ പറയുന്നത്.പ്രതിയെ ഇന്ന് കോടതിയില്‍ ഹാജരാക്കും.
