തിരുവനന്തപുരം: എസ്എസ്എല്സി പരീക്ഷാഫലം പ്രഖ്യാപിച്ചു. വിദ്യാഭ്യാസമന്ത്രി വി ശിവന്കുട്ടിയാണ് ഫലം പ്രഖ്യാപിച്ചത്. ഇത്തവണത്തെ വിജയശതമാനം 99.70 ആണ്. 4.20 ലക്ഷം വിദ്യാര്ഥികളാണ് ഇത്തവണ പരീക്ഷ എഴുതിയത്. ഇതില് 417864 പേര് ഉന്നതവിദ്യാഭ്യാസത്തിന് യോഗ്യത നേടി.
2060 എക്സാം സെന്ററുകളിലായിരുന്നു ഉണ്ടായിരുന്നത്. ഈ വര്ഷം 4,19,362 റഗുലര് വിദ്യാര്ഥികളും 192 പ്രൈവറ്റ് വിദ്യാര്ഥികളുമാണ് എസ്എസ്എല്സി പരീക്ഷ എഴുതിയത്. ഇതില് 2,13,801 പേര് ആണ്കുട്ടികളും 2,05,561പേര് പെണ്കുട്ടികളുമാണ്.
കഴിഞ്ഞവര്ഷം 99.26 ശതമാനം ആയിരുന്നു വിജയശതമാനം. മികച്ച വിജയം നേടിയ വിദ്യാര്ഥികളെയും പിന്തുണ നല്കിയ അധ്യാപകരെയും മന്ത്രി അഭിനന്ദിച്ചു.ടിഎച്ച്എസ്എല്സി., ടിഎച്ച്എസ്എല്സി (ഹിയറിങ് ഇംപയേര്ഡ്), എസ്എസ്എല്സി (ഹിയറിങ് ഇംപയേര്ഡ്), എഎച്ച്എസ്എല്സി എന്നീ പരീക്ഷകളുടെ ഫലവും ഇതോടൊപ്പം പ്രഖ്യാപിച്ചു.
നാലു മണി മുതല് ഇന്ഫര്മേഷന് ആന്ഡ് പബ്ലിക് റിലേഷന്സ് വകുപ്പിന്റെ പിആര്ഡി ലൈവ് മൊബൈല് ആപ്പിലും വിവിധ വെബ്സൈറ്റുകളിലും ഫലം ലഭിക്കും. ഫലമറിയാന് കൈറ്റിന്റെ നേതൃത്വത്തില് www.results.kite.kerala.gov.in എന്ന പ്രത്യേക ക്ലൗഡധിഷ്ഠിത പോര്ട്ടലുണ്ട്. ഇതിന് പുറമെ ‘സഫലം 2023’ എന്ന മൊബൈല് ആപ്പും സജ്ജമാക്കി.
Discussion about this post