കണ്ണൂര്‍: നിര്‍ത്തിയിട്ടിരുന്ന ഓട്ടോറിക്ഷയില്‍ കാറിടിച്ച് ഓട്ടോഡ്രൈവര്‍ക്ക് ദാരുണാന്ത്യം. കണ്ണൂര്‍ ജില്ലയിലെ പയ്യന്നൂരിലാണ് സംഭവം. പയ്യന്നൂര്‍ തായിനേരി സ്വദേശി ഉള്ളിക്കണ്ടത്തില്‍ ശിവദാസനാണ് മരിച്ചത്.
അമ്പത്തിരണ്ട് വയസ്സായിരുന്നു. കങ്കോല്‍ ചീമേനി റോഡില്‍ തിങ്കളാഴ്ച വൈകിട്ട് മൂന്ന് മണിയോടെയാണ് അപകടമുണ്ടായത്. നിര്‍ത്തിയിട്ട ശിവദാസന്റെ ഓട്ടോയില്‍ കാര്‍ ഇടിക്കുകയായിരുന്നു.
അപകടത്തില്‍ ഗുരുതരമായി പരിക്കേറ്റ ശിവദാസനെ നാട്ടുകാര്‍ ചേര്‍ന്നാണ് ആശുപത്രിയിലേക്ക് കൊണ്ടു പോയത്. എന്നാല്‍ യാത്രാമധ്യേ മരണം സംഭവിച്ചു.
പോസ്റ്റ്‌മോര്‍ട്ടത്തിന് ശേഷം പൊതുദര്‍ശനത്തിന് വെക്കുന്ന മൃതദേഹം പിന്നീട് സംസ്‌കരിക്കും.
