തൃശ്ശൂര്: അതിരപ്പിള്ളി തുമ്പൂര്മുഴി വനത്തില് യുവതിയുടെ ജഡം കണ്ടെത്തിയ സംഭവം കൊലപാതകം. അങ്കമാലി പാറക്കടവ് സ്വദേശി സനലിന്റെ ഭാര്യ ആതിര (26) ആണ് കൊല്ലപ്പെട്ടത്. സുഹൃത്ത് അഖിലിനെ പോലീസ് അറസ്റ്റ് ചെയ്തു.
സൂപ്പര് മാര്ക്കറ്റിലെ സെയില്സ് ഗേള് ആയിരുന്നു ആതിര. ആതിരയെ ഇന്നലെ മുതല് കാണാതായിരുന്നു. കാലടി പോലീസിന്റെ അന്വേഷണത്തിനിടെയാണ് അഖില് കുറ്റസമ്മതം നടത്തിയത്. ഷാള് ഉപയോഗിച്ച് കഴുത്ത് ഞെരിച്ച് കൊല്ലുകയായിരുന്നുവെന്ന് അഖില് പറഞ്ഞു. ആതിരയെ ഒഴിവാക്കാനായിരുന്നു കൊലപാതകം. പ്രതി കടം വാങ്ങിയ തുക ആതിര തിരിച്ചു ചോദിച്ചിരുന്നു.
സംഭവസ്ഥലത്ത് പോലീസ് പരിശോധന നടത്തുകയാണ്. ഏപ്രില് 29നാണ് ആതിരയെ കാണാതാവുന്നത്. പിന്നാലെ നടത്തിയ അന്വേഷണത്തില് അഖിലിനൊപ്പം ആതിര കാറില് കയറി പോകുന്നത് കണ്ടതായി പോലീസിന് വിവരം ലഭിച്ചു. ഇതിന്റെ അടിസ്ഥാനത്തില് ചോദ്യം ചെയ്തപ്പോഴാണ് കൊലപാതകത്തെക്കുറിച്ച് സൂചന ലഭിച്ചത്.
ഇരുവരും തമ്മില് സാമ്പത്തിക തര്ക്കങ്ങള് ഉണ്ടായിരുന്നുവെന്നാണ് പോലീസ് പറയുന്നത്. വെറ്റിലപ്പാറ ഭാഗത്ത് വച്ച് ഇരുവരും തമ്മില് തര്ക്കമുണ്ടായി. ഇതേത്തുടര്ന്ന് ഷാള് ഉപയോഗിച്ച് കഴുത്ത് ഞെരിച്ച് കൊല്ലുകയായിരുന്നുവെന്ന് അഖില് പറഞ്ഞു. ആതിരയുടെ സ്വര്ണം ഉള്പ്പെടെ ഇയാള് വാങ്ങിയിരുന്നു. ഇത് തിരികെ ചോദിച്ചതുള്പ്പെടെയാണ് കൊലപാതകത്തിലേക്ക് നയിച്ചതെന്നാണ് പോലീസ് പറയുന്നത്.
Discussion about this post