കോട്ടയം: ഓടുന്ന ബസ്സിനുള്ളില്‍ കുഴഞ്ഞുവീണ് അവശനിലയിലായ വയോധികന്
പ്രഥമശുശ്രൂഷ നല്‍കി ജീവന്‍ രക്ഷിച്ച് പോലീസുകാര്‍. തിങ്കളാഴ്ച രാവിലെ 10 മണിക്ക് കോട്ടയം കളത്തിപടിയില്‍വെച്ചായിരുന്നു സംഭവം. ജില്ലാ ഹെഡ് ക്വാര്‍ട്ടേഴ്സിലെ പോലീസ് ഉദ്യോഗസ്ഥരായ ഷമീര്‍ സമദ്, അന്‍സു പി.എസ്., മഹേഷ്, പ്രദീപ് ടി.ആര്‍, ജോബിന്‍സ് ജെയിംസുമാരാണ് രക്ഷകരായത്.
കുമളിയില്‍ നിന്ന് കോട്ടയത്തേക്ക് വരികയായിരുന്ന സെന്റ് ജോണ്‍സ് എന്ന ബസ്സിനുള്ളിലാണ് സംഭവം. വാഴൂര്‍ സ്വദേശിയായ വയോധികന് കൊടുങ്ങൂരില്‍ നിന്ന് കോട്ടയത്തേക്ക് പോകുകയായിരുന്നു. ബസ് കളത്തിപടിയില്‍ എത്തിയപ്പോള്‍ ദേഹാസ്വാസ്ഥ്യം അനുഭവപ്പെടുകയും സീറ്റിലേക്ക് കുഴഞ്ഞു വീഴുകയും ബോധം നഷ്ടപ്പെടുകയുമായിരുന്നു.
olla
ഇതേ ബസ്സില്‍ പൊന്‍കുന്നത്തു നിന്ന് പ്രതികളുമായി കോട്ടയത്തേക്ക് വരികയായിരുന്നു ജില്ലാ ഹെഡ് ക്വാര്‍ട്ടേഴ്സിലെ പോലീസ് ഉദ്യോഗസ്ഥരായ ഷമീര്‍ സമദ്, അന്‍സു പി.എസ്., മഹേഷ്, പ്രദീപ് ടി.ആര്‍ എന്നിവര്‍. കൂടാതെ മുണ്ടക്കയത്തുനിന്ന് കയറിയ കോട്ടയം സൈബര്‍ സെല്ലിലെ പോലീസ് ഉദ്യോഗസ്ഥനായ ജോബിന്‍സ് ജെയിംസും ബസിലുണ്ടായിരുന്നു.
വയോധികന് കുഴഞ്ഞുവീണതിന് പിന്നാലെ അഞ്ച് പോലീസ് ഉദ്യോഗസ്ഥരും ചേര്‍ന്ന് അദ്ദേഹത്തിന് പ്രഥമശുശ്രൂഷയുടെ ഭാഗമായി സിപിആര്‍ നല്‍കി ജീവന്‍ രക്ഷപ്പെടുത്തുകയായിരുന്നു.
Discussion about this post